លោក Martin Jacques អ្នកជំនាញការខាងបញ្ហាចិនដ៏ល្បីល្បាញរបស់អង់គ្លេសនិងជាអ្នកសិក្សាស្រាវជ្រាវជាន់ខ្ពស់របស់សាកលវិទ្យាល័យខេមប្រ៊ីជបានសរសេរអត្ថបទមួយនាពេលថ្មីៗនេះថា បណ្តាប្រទេសលោកខាងលិច ជាពិសេសគឺសហរដ្ឋអាមេរិកចាំបាច់ត្រូវស្វែងរកវិធីផ្សេងទៀតក្នុងការប្រាស្រ័យទាក់ទងជាមួយប្រទេសចិន។មិនអាចបន្តគិតខ្លួនឯងថា ជាមហាអំណាចផុតគេនៅលើពិភពលោកបាននោះទេ។សហរដ្ឋអាមេរិកគួរតែរៀនដើម្បីសម្របខ្លួនទៅនឹងពិភពលោកថ្មី ទទួលស្គាល់ប្រទេសចិនថា ជាគូប្រកួតប្រជែងដែលមានកម្លាំងប្រហាក់ប្រហែលគ្នានិងកំណត់នូវវិធីថ្មីនៃកិច្ចសហប្រតិបត្តិការនិងការប្រឈមជាមួយប្រទេសចិន។
លោក Martin Jacques បានចង្អុលបង្ហាញក្នុងអត្ថបទមួយក្រោមចំណងជើងថា "តើចិននឹងក្លាយជាមហាអំណាចបែបណាលើពិភពលោក?"ថា គំនិតផ្តួចផ្តើម"ខ្សែក្រវាត់និងផ្លូវ"អាចនាំមកនូវការផ្លាស់ប្តូរយ៉ាងធំធេងក្នុងរូបមន្តអភិបាលកិច្ច។ប្រទេសចិនបានក្លាយជាមហាអំណាចបែបច្នៃប្រឌិតថ្មីនៅលើពិភពលោកនាពេលបច្ចុប្បន្ននេះ។ទន្ទឹមនឹងការប្រកួតប្រជែងដ៏ខ្លាំងក្លានិងការមានភាពរស់វើកនៃសេដ្ឋកិច្ចចិន វាមានសារៈសំខាន់ខ្លាំងណាស់សម្រាប់សហគ្រាសអាមេរិកចូលរួមនិងរៀនសូត្រពីប្រទេសចិន៕