កិច្ចប្រជុំសន្ទនាស្តីពីអរិយធម៌អាស៊ីនឹងធ្វើឡើងនៅខែឧសភានៅក្រុងប៉េកាំង ។ ជាផ្នែកមួយនៃកិច្ចប្រជុំសន្ទនាលើកនេះ “ពិព័រណ៍ភាពយន្តអាស៊ីឆ្នាំ២០១៩”ក្នុងសប្តាហ៍ភាពយន្តនិងទូរទស្សន៍អាស៊ីនឹងធ្វើឡើងពីថ្ងៃទី១៦ដល់ថ្ងៃទី២៣ខែឧសភាខាងមុខនេះ ។ ក្នុងអំឡុងពេលនោះ ភាពយន្តដ៏ឆ្នើមជាង៦០ដែលមកពីប្រទេសនិងតំបន់អាស៊ីជាង៣០នឹងត្រូវចាក់បញ្ចាំងក្នុងពេលជាមួយគ្នា ដើម្បីបង្ហាញឲ្យទស្សនិកជនមើលឃើញពីសមិទ្ធផលនៃការអភិវឌ្ឍរបស់បណ្តាប្រទេសអាស៊ីនានា ។
“សប្តាហ៍ភាពយន្តនិងទូរទស្សន៍អាស៊ី”មានគោលបំណងបង្ហាញឲ្យពិភពលោកឃើញពីទ្វីបអាស៊ីមួយដែលបើកទូលាយ បរិយាប័ន្ន ភាពចម្រុះនិងសាមគ្គីគ្នា ។ សកម្មភាពនេះនឹងត្រូវធ្វើឡើងក្នុងពេលជាមួយគ្នានៅក្រុងប៉េកាំង សៀងហៃ ក្វាងចូវ ឈឹងទូនិងស៊ីអានរបស់ប្រទេសចិន ។
