ថ្ងៃទី៦ ខែឧសភា សិក្ខាសាលាថ្នាក់មេដឹកនាំសេដ្ឋកិច្ចថ្មីអាស៊ានបានចាប់ផ្តើមធ្វើឡើងនៅទីក្រុងNanNingប្រទេសចិន។សិក្ខាសាលានេះបានទាក់ទាញមន្ត្រីក្រសួងសេដ្ឋកិច្ចនិងពាណិជ្ជកម្មចំនួន៦០នាក់ដែលមកពីប្រទេសចំនួន១១ និងសហគ្រិននៅក្នុងវិស័យជាច្រើនឲ្យចូលរួម ដូចជាការវិនិយោគហិរញ្ញវត្ថុ ផលិតកម្ម និងអចលនទ្រព្យជាដើម។
សូមបញ្ជាក់ថា សិក្ខាសាលានេះនឹងកសាងវេទិកាមួយស្តីពីការស្វែងយល់ជាមួយគ្នានិងឈ្នះជាមួយគ្នាសម្រាប់សហគ្រិន ឥស្សរជននយោបាយ និងអ្នកប្រាជ្ញអ្នកវិទ្យាសាស្រ្តរវាងចិននិងអាស៊ាន ដែលនឹងជួយពួកគេឲ្យត្រួសត្រាយទីផ្សារប្រទេសចិននិងអាស៊ានកាន់តែល្អប្រសើរ ហើយនឹងរួមចំណែកដល់ការអភិវឌ្ឍប្រកបដោយចីរភាពនៅតំបន់៕