ក្រោយពីការចូលរួមវេទិកាកំពូលស្តីពីកិច្ចសហប្រតិបត្តិការអន្តរជាតិ”ខ្សែក្រវាត់មួយនិងផ្លូវមួយ”លើកទី ២ និងកិច្ចប្រជុំកំពូលតុមូលរបស់ថ្នាក់ដឹកនាំ លោកPrayuth នាយករដ្ឋមន្រ្តីថៃបានផ្តល់បទសម្ភាសន៍ជាមួយប្រព័ន្ធសារព័ត៌មាន ដោយលើកឡើងថា លោកមានការពេញចិត្តយ៉ាងខ្លាំងចំពោះសមិទ្ធផលនៃកិច្ចប្រជុំកំពូលលើកនេះ ។ លោកបានបញ្ជាក់ថា កិច្ចប្រជុំកំពូលតុមូលរបស់ថ្នាក់ដឹកនាំបានចេញផ្សាយសេចក្តីប្រកាសរួម ដែលអង្គប្រជុំបានឈានដល់គំនិតឯកភាពរួម ក្នុងការរួមគ្នាជំរុញឲ្យបណ្តាប្រទេសតាមបណ្តោយ"ខ្សែក្រវាត់មួយនិងផ្លូវមួយ"សម្រេចការតភ្ជាប់គ្នាគ្រប់ជ្រុងជ្រោយ ក្នុងន័យជំរុញការអភិវឌ្ឍប្រកបដោយនិរន្តរភាព ។
លោកPrayuth បានថ្លែងទៀតថា សេចក្តីប្រកាសរួមដែលស្ថិតនៅក្នុងក្របខ័ណ្ឌនៃកិច្ចសហប្រតិបត្តិការអន្តរជាតិស្តីពី”ខ្សែក្រវាត់មួយនិងផ្លូវមួយ” បានបូកបញ្ចូលជាសំខាន់នូវចំណុចធំៗចំនួន ៥ ពោលគឺ ទី ១ ការតភ្ជាប់ផ្នែកគោលនយោបាយ ទី ២ ការតភ្ជាប់ផ្នែកហេដ្ឋារចនាសម្ព័ន្ធ ទី ៣ ការជំរុញការអភិវឌ្ឍជានិរន្តរភាព ផ្សព្វផ្សយដោយពេញទំហឹងនូវការប្រើប្រាស់ថាមពលស្អាត ទី ៤ ផ្តោតសំខាន់លើការអនុវត្តជាក់ស្តែងនូវកិច្ចសហប្រតិបត្តិការ ទី ៥ ពង្រីកកិច្ចផ្លាស់ប្តូរផ្នែកវប្បធម៌មនុស្សជាតិ ដូចជាវិស័យអប់រំ និងវប្បធម៌ជាដើម ៕
