ពីថ្ងៃទី ២៥ ដល់ថ្ងៃទី ២៧ ខែ មេសា ឆ្នាំ ២០១៩ វេទិកាកំពូលស្តីពីកិច្ចសហប្រតិបត្តិការអន្តរជាតិ”ខ្សែក្រវាត់មួយនិងផ្លូវមួយ”លើកទី ២ បានរៀបចំធ្វើដោយជោគជ័យនៅក្រុងប៉េកាំងប្រទេសចិន ។ លោក Wang Yi សមាជិកក្រុមប្រឹក្សាកិច្ចការរដ្ឋនិងជារដ្ឋមន្ត្រីការបរទេសចិនបានថ្លែងប្រាប់ប្រព័ន្ធសាព័ត៌មានអំពីសមិទ្ធផលនៃវេទិកាលើកនេះកាលពីថ្ងៃទី ២៨ ខែ មេសា ។
លោក Wang Yi យល់ឃើញថា វេទិកាលើកនេះអាចបូកសរុបជាសមិទ្ធផលធំៗចំនួន ៦ គឺទី ១ កំណត់នូវគោលដៅស្តីពីការរួមគ្នាកសាងខ្សែក្រវាត់មួយនិងផ្លូវមួយដែលប្រកបដោយគុណភាពខ្ពស់ ដោយលើកពីទិសដៅសម្រាប់កិច្ចសហប្រតិបត្តិការ ទី ២ កសាងទំនាក់ទំនងភាពជាដៃគូតភ្ជាប់គ្នាជាសកល ជំរុញការអភិវឌ្ឍបែបអន្តរកម្ម ទី ៣ វេទិកាលើកនេះទទួលបានសមិទ្ធផលយ៉ាងធំធេងដែលបង្ហាញពីការផ្តល់ផលប្រយោជន៍ដល់គ្នានិងឈ្នះ-ឈ្នះ ទី ៤ បង្កើតជាវេទិកាថ្មីសម្រាប់ការតភ្ជាប់រវាងរដ្ឋបាលតំបន់និងមជ្ឈដ្ឋានឧស្សាហកម្មនិងពាណិជ្ជកម្ម ដើម្បីពង្រីកឱកាសសហប្រតិបត្តិការ ទី ៥ កែលម្អរចនាសម្ព័ន្ធសហប្រតិបត្តិការខ្សែក្រវាត់មួយនិងផ្លូវមួយ បង្កើតជាប្រព័ន្ធទ្រទ្រង់ ទី ៦ ដើរតួនាទីដឹកនាំផ្នែកការទូតរបស់ប្រមុខរដ្ឋ និងរដ្ឋាភិបាល ដើម្បីជំរុញឲ្យទំនាក់ទំនងទ្វេភាគីកាន់តែស៊ីជម្រៅ ។