ពេលផ្តល់បទសម្ភាសន៍ជាមួយអ្នកសារព័ត៌មានចិននៅទីស្នាក់ការទូទៅនៃអង្គការសហប្រជាជាតិក្រុងញូវយ៉ក លោកEspinosaប្រធានមហាសន្និបាតអង្គការសហប្រជាជាតិលើកទី៧៣បានថ្លែងថា គំនិតផ្តួចផ្តើមខ្សែក្រវាត់មួយនិងផ្លូវមួយជាគំនិតផ្តួចផ្តើមបើកចំហដែលជាគំរូសម្រាប់ជំរុញកិច្ចសហប្រតិបត្តិការអន្តរជាតិប្រកបដោយប្រសិទ្ធភាពលើវិស័យអភិវឌ្ឍន៍ជានិរន្តរភាព ។
លោកEspinosaបានថ្លែងទៀតថា ពិភពលោកបច្ចុប្បន្នត្រូវការការបង្កើនកិច្ចសហប្រតិបត្តិការជាសកល រីឯគំនិតផ្តួចផ្តើមខ្សែក្រវាត់មួយនិងផ្លូវមួយគឺបានដើរតួនាទីដ៏សំខាន់បំផុតលើវិស័យនេះ ។ គំនិតផ្តួចផ្តើមខ្សែក្រវាត់មួយនិងផ្លូវមួយដែលប្រកាន់ខ្ជាប់គោលដៅរួមគឺវិបុលភាពរួមនិងអភិវឌ្ឍជានិរន្តរភាពអាចបង្ហាញយ៉ាងលេចធ្លោនូវសក្តានុពលក្នុងការអភិវឌ្ឍជានិរន្តរភាពរបស់ប្រទេសជាដៃគូ ៕
