វេទិកាកំពូលស្តីពីកិច្ចសហប្រតិបត្តិការអន្តរជាតិ"ខ្សែក្រវាត់មួយនិងផ្លូវមួយ"លើកទី ២ បានប្រារព្ធឡើងពិធីសម្ពោធបើកនៅក្រុងប៉កាំងនៅថៃ្ងទី ២៦ ខែមេសា លោក ស៊ីជីនភីង ប្រធានរដ្ឋចិនបានថ្លែងសុន្ទរកថាសំខាន់។
គំនិតផ្តួចផ្តើម"ខ្សែក្រវាត់មួយនិងផ្លូវមួយ"គឺជាគំនិតផ្តួចផ្តើមស្តីពីកិច្ចសហប្រតិបត្តិការសេដ្ឋកិច្ចអន្តរជាតិដែលត្រូវបានលើកឡើងដោយលោក ស៊ីជីនភីង។ក្នុងរយៈពេល ៦ ឆ្នាំកន្លងមក ទំហំពាណិជ្ជកម្មសរុបរវាងប្រទេសចិននិងបណ្តាប្រទេសនានាតាមបណ្តោយ"ខ្សែក្រវាត់មួយនិងផ្លូវមួយ"បានលើសពី ៦ ទ្រីលានដុល្លារអាមេរិក ចំណែកឯការវិនិយោគបានលើសពី ៨ ម៉ឺនលានដុល្លារអាមេរិក គម្រោងកិច្ចសហប្រតិបត្តិការពាក់ព័ន្ធបានបង្កើតឱកាសការងារជិត ចំនួន ៣ សែននាក់នៅក្នុងតំបន់។
វេទិកានេះមានរយៈពេល ៣ ថ្ងៃ ដោយមានវត្តមានចូលរួមពីសំណាក់ប្រមុខរដ្ឋឬអ្នកដឹកនាំកំពូលនៃរដ្ឋាភិបាលមកពីបណ្តាប្រទេស ចំនួន ៣៧ អគ្គលេខាធិការអង្គការសហប្រជាជាតិនិងប្រធានមូលនិធិរូបិយវត្ថុអន្ដរជាតិព្រមទាំងភ្ញៀវកិត្តិយសបរទេស ចំនួន ជិត ៥០០០ នាក់៕