ថ្ងៃទី ២៦ ខែមេសា លោកស៊ី ជីនភីង ប្រធានរដ្ឋចិនបានលើកឡើងថា ចំណុចជាគន្លឹះក្នុងការរួមគ្នាកសាង"ខ្សែក្រវាត់មួយនិងផ្លូវមួយ"ជាការតភ្ជាប់គ្នា គួរតែបង្កើតទំនាក់ទំនងភាពជាដៃគូប្រកបដោយការតភ្ជាប់គ្នាជាសកល ដើម្បីសម្រេចការអភិវឌ្ឍរួមនិងវិបុលភាពរួម ។ ប្រទេសចិននឹងរួមជាមួយភាគីនានាបន្តធ្វើការខិតខំប្រឹងប្រែងតទៅទៀតដើម្បីបង្កើតបណ្តាញតភ្ជាប់គ្នា ដែលចាត់ទុករបៀងសេដ្ឋកិច្ចដូចជាស្ពានមហាដីគោកថ្មីរវាងទ្វីបអាស៊ីនិងអឺរ៉ុបជាដើមជាគម្រោងណែនាំ ចាត់ទុកផ្លូវធំៗនិងផ្លូវល្បឿនលឿនផ្នែកព័ត៌មាន ដូចជារទេះភ្លើងចិន-អឺរ៉ុប និងផ្លូវថ្មីរវាងដីគោកនិងសមុទ្រជាដើមជាក្របខណ្ឌ ព្រមនិងចាត់ទុកផ្លូវដែក កំពង់ផែ និងបណ្តាញបំពង់ជាដើមជាទីពឹងផ្អែក ។ប្រទេសចិននឹងបន្តដើរតួនាទីរបស់មូលនិធីវិនិយោគគ្រប់ប្រភេទដូចជាឥណទានពិសេសសម្រាប់រួមគ្នាកសាង”ខ្សែក្រវាត់មួយនិងផ្លូវមួយ” មូលនិធីផ្លូវសូត្រជាដើម អភិវឌ្ឍប្រាក់បំណូល”ផ្លូវសូត្រ” គាំទ្រមជ្ឈមណ្ឌលសហប្រតិបត្តិការអភិវឌ្ឍនិងហិញ្ញប្បទានដោយពហុភាគីឲ្យដំណើរដោយមានប្រសិទ្ធភាព ស្វាគមន៍អង្គការហិរញ្ញវត្ថុពហុភាគីនិងប្រទេសនានាចូលរួមការវិនិយោគទុននិងហិរញ្ញប្បទានក្នុងក្របខ័ណ្ឌ”ខ្សែក្រវាត់មួយនិងផ្លូវមួយ” ព្រមនិងលើកទឹកចិត្តឲ្យធ្វើកិច្ចសហប្រតិបត្តិការក្នុងទីផ្សារភាគីទីបី ៕