ក្នុងពិធីបើកនៃវេទិកាកំពូលស្តីពីកិច្ចសហប្រតិបតិ្តការអន្តរជាតិ “ខ្សែក្រវាត់មួយនិងផ្លូវមួយ” លើកទីពីរដែលបើកធ្វើនៅក្រុងប៉េកាំងនៅថ្ងៃទី ២៦ ខែមេសា លោក ស៊ី ជីនភីង ប្រធានរដ្ឋចិនបានធ្វើជាអធិបតីនិងថ្លែងសុន្ទរកថាមានចំណងជើងថា “ប្រមូលកម្លាំងកាយចិត្តរួមគ្នាបង្កើតអនាគតដ៏ល្អបវរនៃកិច្ចកសាងខ្សែក្រវាត់មួយនិងផ្លូវមួយ ” ។ ថ្លែងក្នុងសុន្ទរកថា លោកបានលើកឡើងថា គំនិតផ្តួចផ្តើមស្តីពីការរួមគ្នាកសាងខ្សែក្រវាត់មួយនិងផ្លូវមួយ គឺមានគោលបំណងប្រមូលផ្តុំគ្នាក្នុងការតភ្ជាប់គ្នា ក្នុងន័យសម្រេចការផ្តល់ផលប្រយោជន៍ដល់គ្នាទៅវិញទៅមកនិងឈ្នះ-ឈ្នះ ព្រមនិងទទួលបានការអភិវឌ្ឍជាមួយគ្នា ។ នៅក្រោមការខិតខំប្រឹងប្រែងរបស់បណ្តាភាគីនានា សមិទ្ធផលនៃវេទិកាកំពូលស្តីពីកិច្ចសហប្រតិបតិ្តការអន្តរជាតិ “ខ្សែក្រវាត់មួយនិងផ្លូវមួយ”លើកទីមួយត្រូវបានអនុវត្តដោយរលូន មានប្រទេសនិងអង្គការអន្តរជាតិជាង១៥០បានចុះហត្ថលេខាជាមួយប្រទេសចិនលើកិច្ចព្រមព្រៀងសហប្រតិបតិ្តការស្តីពីការរួមគ្នាកសាងខ្សែក្រវាត់មួយនិងផ្លូវមួយ ។ គំនិតផ្តួចផ្តើមស្តីពីការរួមគ្នាកសាងខ្សែក្រវាត់មួយនិងផ្លូវមួយបានតភ្ជាប់ជាមួយនឹងផែនការអភិវឌ្ឍន៍និងសហប្រតិបតិ្តការរបស់អង្គការអន្តរជាតិនិងតំបន់ ដូចជាអង្គការសហប្រជាជាតិ សម័្ពន្ធអាស៊ាន សហភាពអាហ្វ្រិក សហភាពអឺរ៉ុបនិងសហព័ន្ធសេដ្ឋកិច្ចអឺរ៉ុបនិងអាស៊ីជាដើម ក៏ដូចជាតភ្ជាប់ជាមួយនឹងយុទ្ធសាស្ត្រអភិវឌ្ឍន៍របស់បណ្តាប្រទេសនានា ដូច្នេះបានត្រួសត្រាយចម្លោះអភិវឌ្ឍន៍នៃកំណើនសេដ្ឋកិច្ចពិភពលោក បានផ្តល់កាលានុវត្តភាពថ្មីដល់ការអភីវឌ្ឍនៃប្រទេសនានា ក៏ដូចជាបានត្រួសត្រាយអនាគតថ្មីសម្រាប់ការបើកទូលាយនិងការអភិវឌ្ឍរបស់ប្រទេសចិនផងដែរ ៕
លោក ស៊ី ជីនភីង ប្រធានរដ្ឋចិនថ្លែងថា សមិទ្ធផលនៃវេទិកាកំពូលស្តីពីកិច្ចសហប្រតិបតិ្តការអន្តរជាតិ “ខ្សែក្រវាត់មួយនិងផ្លូវមួយ”លើកទីមួយត្រូវបានអនុវត្តដោយរលូន
2019-04-26 10:44:26
cri
