ថ្ងៃទី២៤ខែមេសា អ្នកនយោបាយសំខាន់ៗនៃបរទេសដែលអញ្ជើញចូលរួមវេទិកាកំពូលស្តីពីកិច្ចសហប្រតិបត្តិការអន្តរជាតិ“ខ្សែក្រវាត់មួយនិងផ្លូវមួយ ”លើកទីពីរបានមកដល់ក្រុងប៉េកាំងជាបន្តបន្ទាប់ ។ ក្នុងវិមានសភាប្រជាជន “ការទូតរវាងប្រមុខរដ្ឋ”របស់លោកស៊ីជីនភីង មេដឹកនាំកំពូលរបស់ប្រទេសចិនបានដំណើរការហើយ ។
ថ្ងៃដដែល លោកប្រធានរដ្ឋចិនស៊ីជីនភីងបានជួបពិភាក្សាការងារជាមួយប្រធានាធិបតីឈីលី ។ លោកស៊ីជីនភីង បានថ្លែងថា ប្រទេសឈីលីជាប្រទេសអាមេរិកខាងត្បូងទីមួយដែលបង្កើតទំនាក់ទំនងផ្លូវទូតជាមួយសាធារណៈរដ្ឋប្រជាមានិតចិន និងជាប្រទេសអាមេរិកឡាទីនទីមួយដែលទទួលស្គាល់ឋានៈសេដ្ឋកិច្ចទីផ្សារទាំងស្រុងរបស់ចិននិងចុះហត្ថលេខាលើកិច្ចព្រមព្រៀងស្តីពីពាណិជ្ជកម្មសេរីទ្វេភាគីជាមួយប្រទេសចិនហើយសម្រេចការឡើងថ្នាក់ ។
លោកប្រធានាធិបតី Sebastián Piñera មានអារម្មណ៍ដូចគ្នាដែរ លោកបានឧទ្ទេសនាមជាពិសេសចំពោះលោកស៊ីជីនភីងអំពីលោក Eduardo Alfredo Juan Bernardo Frei អតីតប្រធានាធិបតីឈីលីដែលអង្គុយនៅក្បែរនិងអមដំណើរទស្សនកិច្ចរបស់លោកជាមួយគ្នាថា ថ្ងៃនេះ លោកអតីតប្រធានាធិបតី Eduardo Alfredo Juan Bernardo Freiក៏នៅកន្លែងនេះដែរ លោកFreiក៏ជាសាក្សីនៃការអភិវឌ្ឍទំនាក់ទំនងប្រទេសទាំងពីរដែរ យើងស្ញប់ស្ញែងនូវអរិយ្យធម៌ប្រវត្តិសាស្រ្តដ៏ត្រចះត្រចង់និងយូរលង់របស់ប្រទេសចិន ក្នុងអំឡុងពេលរាប់សិនឆ្នាំកន្លងទៅនេះ ប្រទេសចិនបានរួមចំណែកដ៏ធំសម្បើមដល់សុភមង្គលរបស់មនុស្សជាតិ។
លោក Piñera Echenique អាយុ ៧០ ឆ្នាំធ្លាប់កាន់តំណែងជាប្រធានាធិបតីឈីលីពីឆ្នាំ ២០១០ ដល់ ឆ្នាំ ២០១៤ ។ បន្ទាប់ពីជាប់ឆ្នោតម្តងទៀតកាលពីចុងឆ្នាំ ២០១៧ លោកPiñera Echenique បានថ្លែងថានឹងបន្តបង្កើនកិច្ចសហប្រតិបត្តិការជាមួយប្រទេសចិនក្នុងអាណត្តិរបស់លោក ។ បន្ទាប់ពីចាប់ផ្តើមអាណត្តិទីពីររបស់លោកមិនជាយូរប៉ុន្មាន់ ប្រទេសឈីលីនិងចិនបានចុះហត្ថលេខាជាផ្លូវការលើអនុស្សរណៈយោគយល់នៃកិច្ចសហប្រតិបត្តិការក្រោមគំនិតផ្តួចផ្តើម “ ខ្សែក្រវាត់មួយនិងផ្លួវមួយ”កាលពីឆ្នាំ ២០១៨ ។
ប្រទេសឈីលីបានឆ្លើយតបយ៉ាងសកម្មជាមួយស្មារតីនៃ"ផ្លូវសូត្រ"និងឈានមុខគេក្នុងការបង្កើនការផ្លាស់ប្តូរផែ្នកនយោបាយ ការតភ្ជាប់គ្នាផែ្នកហេដ្ឋារចនាសម្ព័ន្ធ ការធ្វើពាណិជ្ជកម្មយ៉ាងស្រួលនិងការតភ្ជាប់ដួងចិត្តប្រជាជនជាដើម ក៏ទទួលបានផលប្រយោជន៍ឥតឈប់ឈរផងដែរពីក្នុងកិច្ចសហប្រតិបត្តិការជាមួយប្រទេសចិនផងដែរ។ស្រាទំពាំងបាយជូរនិងផ្លែឆេរីនៃប្រទេសឈីលីត្រូវបានទទួលស្គាល់យ៉ាងទូលំទូលាយដោយអតិថិជនចិនកាន់តែច្រើន។អាទិភាពដែលមានគុណភាពខ្ពស់ ផាសុកភាពនិងការការពារបរិស្ថាននៃផលិតផលរបស់ប្រទេសចិនត្រូវបានវាយតម្លៃខ្ពស់ជាឯកច្ឆ័ន្ទដោយរដ្ឋាភិបាលនិងប្រជាជនឈីលី។
ក្នុងកិច្ចជួបសន្ទនានាថ្ងៃទី ២៤ ខែមេសា លោកSebastián Piñera បានថ្លែងម្តងទៀតថា គំនិតផ្តួចផ្តើមស្តីពីរួមគ្នាកសាងខ្សែក្រវាត់មួយនិងផ្លូវមួយដែលលើកឡើងដោយលោកស៊ីជីនភីងបានបង្ហាញម្តងទៀតនូវប្រវត្តិសាស្ត្រដ៏ត្រចះត្រចង់នៃផ្លូវសូត្របុរាណ បានជំរុញការផ្លាស់ប្តូរអរិយធម៌ពិភពលោកក្នុងយុគសម័យថ្មី ។ ប្រទេសឈីលីគាំទ្រការរួមគ្នាកសាងខ្សែក្រវាត់មួយនិងផ្លូវមួយ និងជំរុញការតភ្ជាប់ក្នុងតំបន់ ។
លោកស៊ីជីនភីងបានថ្លែងនាថ្ងៃដដែលថា ក្នុងវេទិកាលើកនេះ មេដឹកនាំបណ្តាប្រទេសនឹងឈរលើគោលការណ៍រួមគ្នាពិគ្រោះពិភាក្សាគ្នា រួមគ្នាកសាងនិងរួមគ្នាចែករំលែក ពិភាក្សាពីបញ្ហាយកចិត្តទុកដាក់ដូចគ្នា ដូចជាការតភ្ជាប់គោលនយោបាយអភិវឌ្ឍន៍ ការតភ្ជាប់ហេដ្ឋារចនាសម្ព័ន្ធនិងការអភិវឌ្ឍប្រកបដោយចីរភាពជាដើម ដើម្បីរួមចំណែកកាន់តែធំធេងសម្រាប់ជំរុញកំណើនសេដ្ឋកិច្ចពិភពលោកនិងជំរុញកិច្ចសហប្រតិបត្តិការសេដ្ឋកិច្ចអន្តរជាតិ ៕