កាលពីថ្ងៃទី ២៣ ខែមេសា សន្និសីទនៃក្រុមប្រឹក្សាភិបាលលើកទី១នៃសម្ព័ន្ធកិច្ចសហប្រតិបត្តិការផ្នែកព័ត៌មាន"ខ្សែក្រវាត់មួយនិងផ្លូវមួយ"បានសម្ពោធបើកនៅក្រុងប៉េកាំង។លោក Huang Kunming សមាជិកការិយាល័យនយោបាយនៃគណៈកម្មាធិការមជ្ឈិមបក្សកុម្មុយនិស្តចិននិងជារដ្ឋមន្រ្តីក្រសួងយោសនាការនៃគណៈកម្មាធិការមជ្ឈិមបក្សកុម្មុយនិស្តចិនបានអញ្ជើញចូលរួមពិធីសម្ពោធបើកនិងអានសារលិខិតអបអរសាទររបស់លោកប្រធានរដ្ឋចិន ស៊ីជីនភីង ព្រមទាំងបានថ្លែងសុន្ទរកថា។
លោក Huang Kunming បានចង្អុលបង្ហាញថា យោងតាមគំនិតផ្តួចផ្តើមដ៏សំខាន់របស់លោកប្រធានរដ្ឋចិន ស៊ីជីនភីង ការបង្កើតសម្ព័ន្ធកិច្ចសហប្រតិបត្តិការផ្នែកព័ត៌មាន"ខ្សែក្រវាត់មួយនិងផ្លូវមួយ" គឺជាវិធានការសំខាន់មួយដើម្បីធ្វើឲ្យស៊ីជម្រៅនូវកិច្ចសហប្រតិបត្តិការ"ខ្សែក្រវាត់មួយនិងផ្លូវមួយ"ផែ្នកប្រព័ន្ធសារព័ត៌មាននិងការផ្លាស់ប្តូរផែ្នកវប្បធម៌។ប្រព័ន្ធសារព័ត៌មានរបស់បណ្តាប្រទេសនានាគួរតែដើតួនាទីឲ្យបានល្អនូវវេទិកានៃសម្ព័ន្ធកិច្ចសហប្រតិបត្តិការផ្នែកព័ត៌មានដើម្បីផ្តោតទៅលើបញ្ហាតភ្ជាប់នៃយុទ្ធសាស្រ្តអភិវឌ្ឍន៍និងបញ្ហាផលប្រយោជន៍រួមរបស់ប្រជាជននៃបណ្តាប្រទេសនានា ក្នុងន័យរួមគ្នាចារ្យទំព័រថ្មីមួយនៅក្នុងកិច្ចសហប្រតិបត្តិការផែ្នកប្រព័ន្ធសារព័ត៌មាន៕
