ពិព័រណ៍ស្តីពីបច្ចេកទេសប្រើប្រាស់សម្រាប់ប្រព័ន្ធសារព័ត៌មាននៃវេទិកាអន្តរជាតិស្តីពីការផ្សព្វផ្សាយនិងភាពច្នៃប្រឌិតថ្មីដោយ 5G+4K នៃខ្សែក្រវាត់មួយនិងផ្លូវមួយដែលប្រមូលផ្តុំបច្ចេកទេសផ្សព្វផ្សាយនៃប្រព័ន្ធសារព័ត៌មានថ្មីឈានមុខលើទូទាំងពិភពលោកបានសម្ពោធបើកនៅមជ្ឈមណ្ឌលមីឌីយ៉ាក្រុងប៉េកាំងកាលពីថ្ងៃទី២១ខែមេសា ។ លោក Xulin អនុរដ្ឋមន្ត្រីនៃក្រសួងឃោសនាការមជ្ឈិមបក្សកុម្មុយនិស្តចិននិងជាប្រធានការិយាល័យព័ត៌មាននៃក្រុមប្រឹក្សាកិច្ចការរដ្ឋចិន និងលោក Shen Haixiong អនុរដ្ឋមន្ត្រីនៃក្រសួងឃោសនាការមជ្ឈិមបក្សកុម្មុយនិស្តចិននិងជាអគ្គនាយកនៃអគ្គស្ថានីយវិទ្យុនិងទូរទស្សន៍មជ្ឈិមចិនបានអញ្ជើញចូលរួមសកម្មភាពនេះ ។
ពិព័រណ៍លើកនេះគឺរៀបចំដោយអគ្គស្ថានីយវិទ្យុនិងទូរទស្សន៍មជ្ឈិមចិន អង្គភាពរួមនៃកិច្ចសហប្រតិបត្តិការអន្តរជាតិផ្នែកទូរទស្សន៍ផ្លូវសូត្រនិងក្រុមហ៊ុនគ្រឿងបរិក្ខារអន្តរជាតិដ៏ល្បីឈ្មោះជាដើម បានផ្តល់វេទិកាមួយសម្រាប់ការបង្ហាញ ផ្លាស់ប្តូរនិងកិច្ចសហប្រតិបត្តិការផ្នែកបច្ចេកទេសទំនើបរវាងប្រព័ន្ធសារព័ត៌មានអន្តរជាតិ ។
ចាប់តាំងពីអគ្គស្ថានីយវិទ្យុនិងទូរទស្សន៍មជ្ឈិមចិនបង្កើតឡើងជាងមួយឆ្នាំកន្លងទៅនេះ បានបង្កើតវេទិកាប្រព័ន្ធសារព័ត៌មានថ្មីបច្ចេកទេស 5G ថ្នាក់ជាតិទីមួយ ហើយសម្រេចការផលិតវីដេអូរូបភាពភ្លឺច្បាស់ទម្រង់ 4K និងការផ្ញើតាមសេវាបណ្តាញ 5G ជាលើកដំបូង ។