ដើម្បីអបអរទទួលវេទិកាកំពូលអំពីកិច្ចសហប្រតិបត្តិការអន្តរជាតិក្រោមគំនិតផ្តួចផ្តើមខ្សែក្រវាត់មួយនិងផ្លូវមួយលើកទី ២ វិទ្យាស្ថានភាសាទំនើបនៃសកលវិទ្យាល័យដាកាប្រទេសបង់ក្លាដេសបានរៀបចំធ្វើពិធីបោះពុម្ពផ្សាយលើកដំបូងនូវទស្សនាវដ្តីខ្សែក្រវាត់មួយនិងផ្លូវមួយកាលពីថ្ងៃទី ២០ ខែមេសា ។ លោកបណ្ឌិតGowher Rizvi ទីប្រឹក្សាកិច្ចការអន្តរជាតិនៃខុទ្ទកាល័យនាយករដ្ឋមន្ត្រីបង់ក្លាដេសបានថ្លែងក្នុងពិធីថា ប្រទេសបង់ក្លាដេសស្វាគមន៍គំនិតផ្តួចផ្តើមខ្សែក្រវាត់មួយនិងផ្លូវមួយរបស់ប្រទេសចិន ដោយសារវាមិនគ្រាន់តែសមស្របនឹងនិន្នាការអភិវឌ្ឍន៍អន្តរជាតិប៉ុណ្ណោះទេ ថែមទាំងក៏សមស្របនឹងកិច្ចការអភិវឌ្ឍន៍ជាអាទិភាពនៃប្រទេសបង់ក្លាដេសផងដែរ ។
លោកNasim Mahmmud នាយកប្រតិបត្តិនៃមូលនិធិអាស៊ីបូព៌ានៃប្រទេសបង់ក្លាដេសបានឧទ្ទេសនាមថា ការបង្កើតទស្សនាវដ្តីខ្សែក្រវាត់មួយនិងផ្លូវមួយទទួលបានការគាំទ្រយ៉ាងខ្លាំងពីអ្នកជំនាញការ បញ្ញាវន្តនិងសិល្បករនៃប្រទេសបង់ក្លាដេស ។ ឥទ្ធិពលរបស់ប្រទេសចិនក្នុងវិស័យវប្បធម៌និងអប់រំជាដើមនៅប្រទេសបង់ក្លាដេសកាន់តែមានភាពស៊ីជម្រៅជារៀងរាល់ថ្ងៃ ។ ដូច្នេះយើងយល់ឃើញថា បច្ចុប្បន្នគួរតែមានទស្សនាវដ្តីមួយដែលឧទ្ទេសនាមពីប្រទេសចិនបែបនេះ ៕
