សិក្ខាសាលានៃសហគ្រិនយុវជននៃបណ្តាប្រទេសតាមបណ្តោយ”ខ្សែក្រវាត់មួយនិងផ្លូវមួយ”បានប្រារព្ធឡើងនៅក្រុងប៉េកាំង ប្រទេសចិនកាលពីពេលថ្មីៗកន្លងទៅនេះ ។ សហគ្រិនយុវជនទាំងឡាយបានធ្វើការផ្លាស់ប្តូរនិងពិគ្រោះពិភាក្សាអំពីរូបមន្តថ្មីសម្រាប់ធ្វើកិច្ចសហប្រតិបត្តិការផ្នែកសេដ្ឋកិច្ចរវាងចិននិងអន្តរជាតិ ដោយបានបង្ហាញថា គំនិតផ្តួចផ្តើមស្តីពី”ខ្សែក្រវាត់មួយនិងផ្លូវមួយ”និងការកសាងមហាតំបន់ឈូងសមុទ្រក្វាងទុង-ហុងកុង-ម៉ាកាវជាកាលានុវត្តភាពសម្រាប់ការអភិវឌ្ឍដោយសន្តិវិធីនៃសហគ្រាសចិននិងអន្តរជាតិ ព្រមទាំងបានជួយធ្វើឲ្យអន្តរជាតិយល់ច្បាស់ពីការកសាងសេដ្ឋកិច្ចនិងវប្បធម៌ចិន ។
វេទិកាកំពូលនៃកិច្ចសហប្រតិបត្តិការអន្តរជាតិក្រោមក្របខ័ណ្ឌគំនិតផ្តួចផ្តើមស្តីពី”ខ្សែក្រវាត់មួយនិងផ្លូវមួយ”លើទី ២ នឹងបើកធ្វើនៅក្រុងប៉េកាំងពេលខាងមុខនេះ ពេលនោះនឹងរៀបចំធ្វើមហាសន្និបាតសហគ្រិនជាលើកដំបូង ដើម្បីបង្កើតវេទិកាសម្រាប់តភ្ជាប់កិច្ចសហប្រតិបត្តិការគ្នាក្នុងវិស័យឧស្សាហកម្មនិងពាណិជ្ជកម្ម ។