ដៅចំពោះការដែលអង្គការមូលនីធិរូបិយវត្ថុអន្តរជាតិបានដំឡើងការរំពឹងទុកចំពោះកំណើនសេដ្ឋកិច្ចប្រទេសចិននៅពេលថ្មីៗកន្លងទៅនេះ កាលពីថ្ងៃទី១១ខែមេសា លោក Lukang អ្នកនាំពាក្យក្រសួងការបរទេសចិនបានថ្លែងក្នុងសន្និសីទសារព័ត៌មានជាប្រចាំថា នេះបានបង្ហាញថា សហគមន៍អន្តរជាតិមានទំនុកចិត្តយ៉ាងម៉ឹងម៉ាត់ចំពោះការដែលសេដ្ឋកិច្ចចិនរក្សាកំណើនដោយល្បឿនមធ្យមនិងខ្ពស់ហើយឆ្ពោះទៅកាន់កម្រិតមធ្យមនិងខ្ពស់ ។
តាមការផ្សាយឲ្យដឹងថា កាលពីថ្ងៃទី៩ខែមេសា អង្គការមូលនីធិរូបិយវត្ថុអន្តរជាតិបានប្រកាសរបាយការណ៍ស្តីពីការសម្លឹងមើលសេដ្ឋកិច្ចពិភពលោកដ៏ថ្មីមួយ ដែលបន្ថយការរំពឹងទុកចំពោះកំណើនសេដ្ឋកិច្ចទូទាំងពិភពលោកឆ្នាំ២០១៩មកដល់៣.៣ភាគរយ ហើយដំឡើងការរំពឹងទុកចំពោះកំណើនសេដ្ឋកិច្ចប្រទេសចិនឆ្នាំនេះឡើងដល់៦.៣ភាគរយ ។