លោក David Malpass ប្រធានធនាគារពិភពលោក អាណត្តិថ្មីបានធ្វើសន្និសីទសារព័ត៌មានលើកដំបូង ក្នុងអាណត្តិរបស់លោកកាលពីថៃ្ងទី ១១ ខែមេសា តាមម៉ោងនៅក្នុងតំបន់ ហើយបានសម្តែងនូវក្តីសង្ឃឹមថា នឹងអភិវឌ្ឍទំនាក់ទំនងភាពជាដៃគូដែលមានលក្ខណៈស្ថាបនាជាមួយប្រទេសចិន។លោកជឿជាក់ថា បទពិសោធន៍នៃការកាត់បន្ថយភាពក្រីក្ររបស់ប្រទេសចិន គួរចែករំលែកជាមួយពិភពលោក។
លោក David Malpass បានធ្វើសន្និសីទសារព័ត៌មានលើកដំបូងក្នុងអាណត្តិរបស់លោកអំឡុងពេលកិច្ចប្រជុំប្រចាំឆ្នាំក្នុងរដូវផ្ការីកឆ្នាំ ២០១៩ របស់ធនាគារពិភពលោកកាលពីថ្ងៃទី ១១ ខែមេសានេះ។
លោក David Malpass បានអះអាងកម្រិតខ្ពស់ស្តីពីសមិទ្ធផលនៃការអភិវឌ្ឍសេដ្ឋកិច្ចរបស់ប្រទេសចិននិងបានសម្តែងនូវក្តីសង្ឃឹមក្នុងការអភិវឌ្ឍទំនាក់ទំនងភាពជាដៃគូដែលមានលក្ខណៈស្ថាបនាជាមួយប្រទេសចិន។លោកបានថែ្លងថា ធនាគារពិភពលោកនិងប្រទេសចិនមានគោលដៅរួមក្នុងការកាត់បន្ថយភាពក្រីក្រនិងលើកកម្ពស់ភាពរុងរឿងថ្កុំថ្កើងរួមគ្នា។ធនាគារពិភពលោកមានឆន្ទៈរួមសហការជាមួយប្រទេសចិនដើម្បីធ្វើការពិគ្រោះពិភាក្សាគ្នាអំពីរបៀបកែលម្អនូវគុណភាពនៃគម្រោងគំនិតផ្តួចផ្តើម"ខ្សែក្រវាត់មួយនិងផ្លូវមួយ"និងធ្វើឲ្យបណ្តាប្រទេសនានាតាមបណ្តោយអាចទទួលបានផលប្រយោជន៍កាន់តែល្អប្រសើរ៕