ពេលផ្តល់បទសម្ភាសន៍ជាមួយអ្នកសារព័ត៌មានកាលពីពេលថ្មីៗកន្លងទៅនេះ លោក Roger Gifford អ្នកផ្តួចផ្តើមគំនិតស្តីពីហិរញ្ញវត្ថុពណ៌បៃតងក្រុងឡុងដ៍បានថ្លែងថា « គោលការណ៍នៃការវិនិយោគពណ៌បៃតងក្រោមក្របខ័ណ្ឌគំនិតផ្តួចផ្តើមស្តីពីខ្សែក្រវាត់មួយនិងផ្លូវមួយ” » នឹងនាំមកនូវកាលានុវត្តភាពធំក្នុងការអភិវឌ្ឍឧស្សាហកម្មនិងសហគ្រាសពាក់ព័ន្ធ ។
ប្រទេសចិននិងអង់គ្លេសជាអ្នកដឹកនាំក្នុងវិស័យហិរញ្ញវត្ថុពណ៌បៃតងលើពិភពលោកជានិច្ច ។ ភាគីទាំងពីរបានសហការគ្នាប្រកាស«គោលការណ៍»នេះកាលពីចុងឆ្នាំ ២០១៨ ដើម្បីរួមគ្នាបង្កើតហិរញ្ញវត្ថុពណ៌បៃតង ក្នុងន័យបង្កើនសមត្ថភាពទប់ទល់នឹងបញ្ហាបរិស្ថាននៃបណ្តាប្រទេសតាមបណ្តោយគំនិតផ្តួចផ្តើមស្តីពីខ្សែក្រវាត់មួយនិងផ្លូវមួយ ។
លោកPeter Estlin ប្រធានសង្កាត់ហិរញ្ញវត្ថុក្រុងឡុងដ៍បានថ្លែងថា គំនិតផ្តួចផ្តើមស្តីពីខ្សែក្រវាត់មួយនិងផ្លូវមួយមានអនាគតគួរឲ្យរំពឹងទុក ។ដូច្នេះ សង្កាត់ហិរញ្ញវត្ថុក្រុងឡុងដ៍គាំទ្រយ៉ាងរ៉ឹងមាំចំពោះការកសាងគំនិតផ្តួចផ្តើមនេះ ។