លោកLi Keqiangនាយករដ្ឋមន្រ្តីចិនបានថ្លែងនៅក្រុងប៉េកាំងនាថ្ងៃទី១៥ខែមីនាថា រដ្ឋាភិបាលចិននឹងបង្កើតនូវបញ្ជីអវិជ្ជមានថ្មីក្នុងឆ្នាំនេះ ដើម្បីបន្តបង្កើនការការពារកម្មសិទ្ធិបញ្ញា និងរក្សាកម្តៅនៃការបើកទូលាយចំពោះអន្តរជាតិ។
លោកLi Keqiangបានថ្លែងដោយក្តីរំពឹងថារដ្ឋាភិបាលបរទេសនឹងស្វែងយល់ដោយត្រឹមត្រូវពីកិច្ចសហប្រតិបត្តិការលើមូលដ្ឋានស្ម័គ្រចិត្តរវាងសហគ្រាសចិននិងសហគ្រាសបរទេស។
លោកLi Keqiangបានសង្កត់ធ្ងន់ថា ការអនុម័តលើច្បាប់វិនិយោគសម្រាប់ពាណិជ្ជករបរទេសបង្ហាញឲ្យឃើញថាប្រទេសចិនបានប្រើប្រាស់ច្បាប់ដើម្បីការពារការវិនិយោគសម្រាប់ពាណិជ្ជករបរទេសឲ្យមានភាពកាន់តែល្អប្រសើរ ដើម្បីទាក់ទាញការបណ្តាក់ទុនរបស់ពាណិជ្ជករបរទេស។
