ក្នុងអំឡុងពេលបើកធ្វើមហាសន្និបាតនៃសភាទាំងពីរ បញ្ញាវ័ន្តអន្តរជាតិដ៏ល្បីឈ្មោះជាច្រើនបានចុះផ្សាយបទអត្ថាធិប្បាយតាមប្រព័ន្ធផ្សព្វផ្សាយអន្តរជាតិនានាស្តីពីគោលនយោបាយរបស់ចិន និងបង្ហាញពីចក្ខុវិស័យចំពោះកិច្ចប្រតិបត្តិការនិងឈ្នះ-ឈ្នះ ។
បញ្ញាវ័ន្តនៃសកលវិទ្យាល័យជាតិសិង្ហបុរីមួយរូបបានចុះផ្សាយអត្ថបទលើកាសែតLianhezaobao របស់សិង្ហបុរីថា គំនិតផ្តួចផ្តើមស្តីពី “ ខ្សែក្រវាត់មួយនិងផ្លូវមួយ”បានរួមបញ្ចូលគ្នារវាងមូលធន ផលិតភាពនិងបច្ចេកវិទ្យានៃការកសាងហេដ្ឋារចនាសម្ព័ន្ធរបស់ចិន និងប្រកបដោយកម្លាំងចលករយ៉ាងខ្លាំង ។ ក្នុងប៉ុន្មានឆ្នាំកន្លងទៅនេះ ការការពារនិយមផ្នែកពាណិជ្ជកម្មបានលេចឡើងនៅអឺរ៉ុបនិងអាមេរិក ខណៈប្រទេសចិនបានបង្កើនការបើកទូលាយតាមរយៈការកសាងមហាតំបន់ឈូងសមុទ្រក្វាងទុង-ហុងកុង-ម៉ាកាវ និងការដាក់ចេញច្បាប់វិនិយោគសម្រាប់ពាណិជ្ជករបរទេសជាដើម ក្នុងន័យបង្កើនកិច្ចសហប្រតិបត្តិការនិងការអភិវឌ្ឍជានិរន្តរភាព ។
