លោក Shen Changyu ប្រធាននាយកដ្ឋានជាតិផែ្នកការការពារកម្មសិទិ្ធបញ្ញានៃប្រទេសចិនបានថែ្លងនៅក្រុងប៉េកាំងនៅថ្ងៃទី ១១ ខែមីនា ថា ប្រទេសចិននឹងបន្តចាត់វិធានការដើម្បីធ្វើឲ្យប្រសើរឡើងបន្ថែមទៀតនូវគុណភាពនិងប្រសិទ្ធភាពនៃការត្រួតពិនិត្យកម្មសិទ្ធិបញ្ញា។
នៅឯសន្និសីទសារព័ត៌មាននៃមហាសន្និបាតលើកទី ២ នៃសភាតំណាងប្រជាជនទូទាំងប្រទេសចិននីតិកាលទី ១៣ ដែលបានប្រារព្ធធ្វើនាថ្ងៃដដែល លោក Shen Changyu បានបង្ហាញថា ប្រទេសចិនមានផែនការបំព្រួញកាលបរិច្ឆេទនៃការត្រួតពិនិត្យស្លាសយីហោពាណិជ្ជកម្មមកនៅត្រឹមរយៈពេល ៤ ខែ ដែលឈានដល់កម្រិតលឿនបំផុតនៃបណ្តាប្រទេសជាសមាជិកនៃអង្គការកិច្ចសហប្រតិបត្តិការផែ្នកសេដ្ឋកិច្ចនាពេលបច្ចុប្បន្ននេះនិងបំព្រួញកាលបរិច្ឆេទនៃការត្រួតពិនិត្យប័ណ្ណប៉ាតង់ដែលមានតម្លៃខ្ពស់មកនៅត្រឹមរយៈពេលជាងពាក់កណ្តាលដើម្បីឈានដល់កម្រិតលឿនបំផុតនៅលើពិភពលោកក្នុងរយៈពេល ៥ ឆ្នាំ៕
