ព្រឹកថ្ងៃទី១០ខែមីនា មហាសន្និបាតលើកទី២នៃសភាតំណាងប្រជាជនទូទាំងប្រទេសចិននីតិកាលទី១៣បានបើកធ្វើសន្និសីទពេញអង្គ ដើម្បីពិនិត្យពិភាក្សាពង្រាងច្បាប់ស្តីពីវិនិយោគរបស់ពាណិជ្ជករបរទេស នៅរសៀលថ្ងៃដដែល បានធ្វើកិច្ចប្រជុំតាមក្រុមតំណាងប្រតិភូ ដើម្បីពិនិត្យពិភាក្សាពង្រាងច្បាប់ស្តីពីវិនិយោគរបស់ពាណិជ្ជករបរទេស។
នៅព្រឹកថ្ងៃទី១០ខែមីនា មហាសន្និបាតលើកទី២នៃសភាប្រឹក្សានយោបាយប្រជាជនទូទាំងប្រទេសចិននីតិកាលទី១៣បានធ្វើកិច្ចប្រជុំតាមក្រុមដោយបានធ្វើការផ្លាស់ប្តូរមតិយោបល់និងធ្វើការសិក្សាស្រាវជ្រវជុំវិញការរៀនសូត្រនិងអនុវត្តគំនិតសំខាន់ៗរបស់លោកស៊ីជីនភីងអគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិនស្តីពីការបង្កើននិងកែលម្អការងាររបស់សភាប្រឹក្សានយោបាយប្រជាជន ព្រមទាំងបានពិគ្រោះពិភាក្សាអំពីការងាររបស់សភាប្រឹក្សានយោបាយប្រជាជនទូទាំងប្រទេសចិនជុំវិញរបាយការណ៍ការងារនៃគណៈកម្មាធិការអចិន្ត្រៃយ៍នៃសភាប្រឹក្សានយោបាយប្រជាជននិងផែនការនៅឆ្នាំ២០១៩របស់គណៈកម្មាធិការទូទាំងប្រទេសនៃសភាប្រឹក្សានយោបាយប្រជាជន ។ នៅរសៀលថ្ងៃដដែល មហាសន្និបាតសភាប្រឹក្សានយោបាយប្រជាជនទូទាំងប្រទេសចិននីតិកាលទី១៣បានបើកធ្វើសន្និសីទពេញអង្គលើកទី៣ សមាជិកសមាជិកាបានបញ្ចេញមតិក្នុងសន្និបាតលើកនេះ ៕
