王昭君
ភាសាខ្មែរ

ព័ត៌មាន​សំខាន់​ៗ​

លោកស៊ីជីនភីងផ្តល់អនុសាសន៍ដល់កិច្ចកសាងអេកូ-បរិស្ថាននិងជីវភាពរស់នៅរបស់ប្រជាពលរដ្ឋនៅម៉ុងហ្គោលីក្នុង

2019-03-06 10:50:43 cri

     

图片默认标题_fororder_%5c%5c172.100.100.3%5ctemp%5c9500032%5c1%5c9500032_1_1_9353f192-19db-4c88-9223-c224826b8531

      ថ្ងៃទី​៥​ខែ​មីនា​មហាសន្និបាត​លើក​ទី​២​នៃ​សភា​តំណាង​ប្រជាជន​ទូទាំង​ប្រទេស​ចិន​នីតិកាល​ទី​១៣​បាន​បើក​ធ្វើ​នៅ​ក្រុង​ប៉េកាំង​។​ ​នា​រសៀល​ថ្ងៃដដែល​ ​លោក​ស៊ីជីនភីង​ប្រធាន​រដ្ឋ​ចិន​បាន​អញ្ជើញ​ចូលរួម​ការ​​ពិនិត្យ​ពិភាក្សា​លើ​​របាយការណ៍​ការងារ​រដ្ឋាភិបាល​ជាមួយ​ប្រតិភូ​តំណាង​ប្រជាជន​ម៉ុងហ្គោលី​ក្នុង​។​

    “ការ​អភិវឌ្ឍ​បៃតង”​គឺជា​ពាក្យ​គន្លឹះ​ដែល​លោក​ស៊ីជីនភីង​និង​តំណាង​ប្រជាជន​គ្រប់រូប​ប្រើ​​ច្រើន​ជាង​គេ​ក្នុង​ពេល​ធ្វើ​ការ​ពិនិត្យ​ពិភាក្សា​។​ ​លោក​ស៊ីជីនភីង​បាន​សម្គាល់​ថា​ ​ក្នុង​ដំណើរ​ដែល​សេដ្ឋកិច្ច​ចិន​បង្វែរ​​ពី​កំណើន​ដោយ​ល្បឿន​លឿន​ទៅ​កាន់​ការ​អភិវឌ្ឍ​ប្រកប​ដោយ​គុណភាព​ខ្ពស់​ ​ការ​បង្ការ​និង​គ្រប់គ្រង​ការ​បំពុល​ព្រម​និង​ការ​គ្រប់គ្រង​បញ្ហា​បរិស្ថាន​ជា​រឿង​សំខាន់​ដែល​ចាំបាច់ត្រូវតែ​ដោះស្រាយ​។​

      សូមបញ្ជាក់ថា​ ​ម៉ុងហ្គោលី​ក្នុង​គឺ​ស្ថិត​នៅ​តំបន់​​ព្រំដែន​ភាគខាង​ជើង​ប្រទេស​ចិន​ ​ដែលជា​ភូមិភាគ​ស្វយ័ត​ជនជាតិ​ដែល​បង្កើត​ឡើង​មុនគេ​បង្អស់​នៅ​ប្រទេសចិន​និង​ជា​តំបន់​ដែល​អនុវត្ត​របប​​​ស្វ័យ​គ្រប់គ្រង​ដោយ​ជនជាតិ​ភាគតិ​មុន​គេ​បង្អស់​នៃ​ប្រទេសចិន​ផង​ដែរ​ ​។

      ដូច្នេះ​ លោក​ស៊ីជីនភីង​បាន​លើក​ឡើង​​ថា​ ​កិច្ច​កសាង​ម៉ុងហ្គោលី​ក្នុង​ឱ្យ​ទៅជា​របាំង​សន្តិសុខ​ខាង​អេកូ-បរិស្ថាន​ដ៏​សំខាន់​នៅ​តំបន់​ភាគ​ខាង​ជើង​ប្រទេសចិន​ ​គឺ​ជា​យុទ្ធសាស្រ្ត​ដែល​កំណត់​ដោយ​ឈរ​លើ​មូលដ្ឋាន​នៃ​សភាពការណ៍​អភិវឌ្ឍ​នៃ​ប្រទេសចិន​ ​ហើយ​ក៏ជា​កាតព្វកិច្ច​ចម្បង​​ដែល​ម៉ុងហ្គោលី​ក្នុង​ចាំបាច់​ត្រូវតែ​ទទួល​ខុសត្រូវ​​ផងដែរ​។

       លោក​បាន​ផ្តល់​អនុសាសន៍​អំពី​ការ​អភិវឌ្ឍ​បៃតង​នៅ​​ភូមិភាគ​ស្វយ័ត​ជន​ជាតិ​ភាគ​តិច​ម៉ុង​ហ្គោលី​ក្នុង​ ៖

      ទី​មួយ ធ្វើ​ការ​សម្រប​សម្រួល​និង​ចាត់​ចែង​ឲ្យ​បាន​ល្អ​នូវ​ទំនាក់​ទំនង​រវាង​ការ​អភិវឌ្ឍ​សេដ្ឋកិច្ច​និង​ការ​ការពារ​អេកូ​-បរិស្ថាន ខិត​ខំ​ប្រឹង​ប្រែង​ស្វែង​រក​ផ្លូវ​ថ្មី​មួយ​ដែល​សមស្រប​នឹង​តួនាទី​យុទ្ធសាស្ត្រ​​និង​លក្ខណៈ​ពិសេស​របស់​ភូមិភាគ​ស្វយ័ត​ម៉ុងហ្គោលីក្នុង​ ។

      ទីពីរ ការ​អភិរក្ស​​វាល​ស្មៅ​និង​ព្រៃ​ឈើ​ជា​ភារកិច្ច​ចម្បង​នៃ​កិច្ច​ការ​ពារ​ប្រព័ន្ធ​អេកូ-​បរិស្ថាន​របស់​ភូមិភាគស្វយ័តម៉ុងហ្គោលីក្នុង ។

      ទីបី ត្រូវ​ដោះ​ស្រាយ​ឲ្យ​បាន​ល្អ​នូវ​បញ្ហា​ប៉ះ​ពាល់​ដល់​បរិស្ថាន​យ៉ាង​ធ្ងន់​ធ្ងរ​ដែល​ប្រជាជន​មាន​ប្រតិកម្ម​ខ្លាំង​​ ។

      លោក ស៊ី ជីនភីង​ក៏​បាន​ផ្តោត​ការ​យកចិត្តទុក​ដាក់​ដល់​រឿង​រ៉ាវ​លម្អិត​ក្នុង​ជីវភាព​រស់​នៅ​របស់​ប្រជាជន​ផង​ដែរ ប្រការ​នេះ​ញ៉ាំង​ឲ្យ​តំណាង​ប្រជាជន​គ្រប់​រូប​​មាន​ចំណាប់អារម្មណ៍​យ៉ាង​ជ្រាល​ជ្រៅ ។ លោក Wu Yunbo ជា​ជនជាតិ ម៉ុងហ្គោលី​ដែល​ជា​តំណាង​មួ​រូប​នៃ​​សភា​តំណាង​ប្រជាជន​ទូទាំង​ប្រទេស​ចិន​បាន​ថ្លែង​សុន្ទរកថា​ក្រោម​ប្រធាន​បទ “​តើ​ធ្វើ​យ៉ាង​ដូច​​ម៉េ្តច​ទើប​អាច​ដឹក​នាំ​ឲ្យ​អ្នក​គង្វាល​មាន​ជីវភាព​ធូរធារ​បង្គួរ ” ។ បន្ទាប់​ពី​មហាសនិ្នបាត លោក Wu Yunbo បាន​ប្រាប់​អ្នក​សារព័ត៌មាន​ថា “ លោក​ប្រធាន​រដ្ឋ​បាន​ស្តាប់​មតិ​យោបល់​ពួក​យើង​យ៉ាង​យក​ចិត្ត​ទុក​ដាក់​​ណាស់​! លោក​​ក៏​បាន​ឆ្លើយ​តប​បែប​​កំប្លែង​រួសរាយ​ចំពោះ​សំណួរ​របស់​ខ្ញុំ ព្រម​ទាំង​បាន​ទទួល​ស្គាល់​ការងារ​របស់​សហករណ៍​យើង​ទៀត​ផង ” ​៕​

អ្នកបកប្រែ:王昭君
ប្លុកពិសេស