ថ្ងៃទី ៣ ខែមីនា ថ្លែងនៅច្រកចេញចូលសម្រាប់សមាជិកនៃចូលរួមមហាសន្និបាតលើកទី ២ នៃសភាប្រឹក្សានយោបាយប្រជាជនទូទាំងប្រទេសចិននីតិកាលទី ១៣ លោកWu Weiren សមាជិកនៃសភាប្រឹក្សានយោបាយប្រជាជនទូទាំងប្រទេសចិននិងអគ្គវិស្វករនៃគម្រោងស្ទង់រុករកនៅភពព្រះចន្ទនៃប្រទេសចិនបានលើកឡើងថា រាល់ទិន្នន័យដែលមកពីការវាស់ស្ទង់ប៉ែកម្ខាងនៃភពព្រះចន្ទដោយបច្ចេកទេសវិទ្យាសាស្រ្ត សុទ្ធតែជាទិន្នន័យដំបូងបង្អស់របស់មនុស្សជាតិ ដែលមានតម្លៃសំខាន់ក្នុងការសិក្សាស្រាវជ្រាវខាងវិទ្យាសាស្រ្ត ។
លោក Wu Weiren បានបញ្ជាក់ថា ការរុករកលើលំហអវកាសជាកាតព្វកិច្ចរួមរបស់មនុស្សជាតិ ហេតុដូច្នេះ យើងនឹងបើកទូលាយជាសាធារណៈនូវទិន្នន័យវិទ្យាសាស្រ្តចំពោះពិភពលោកទាំងមូល ដើម្បីរួមចំណែកក្នុងការប្រើប្រាស់លំហអវកាសដោយសន្តិភាពរបស់មនុស្សជាតិ និងជំរុញការកសាងសហគមន៍រួមវាសនាតែមួយរបស់មនុស្សជាតិ ហើយក៏សង្ឃឹមដែរថា នៅពេលអនាគត នឹងមានប្រទេសកាន់តែច្រើនថែមទៀតអាចចូលរួមផែនការវាស់ស្ទង់និងរុករកលើលំហអវកាស ៕
