រសៀលថ្ងៃទី ៤ ខែមីនា មហាសនិ្នបាតលើកទីពីរនៃសភាតំណាងប្រជាជនទូទាំងប្រទេសចិននីតិកាលទី១៣បានបើកកិច្ចប្រជុំត្រៀមនៅវិមានសភាប្រជាជនចិនក្រុងប៉េកាំង ។
កិច្ចប្រជុំត្រៀមបានសម្រេចរបៀបវារៈនៃមហាសនិ្នបាតតាមរយៈការបោះឆ្នោតមានជាអាទិ៍ ៖មហាសនិ្នបាតលើកទីពីរនៃសភាតំណាងប្រជាជនទូទាំងប្រទេសចិននីតិកាលទី១៣នឹងពិនិត្យពិភាក្សាលើរបាយការណ៍ការងាររដ្ឋាភិបាល ពិនិត្យពិភាក្សាលើរបាយការណ៍ស្តីអំពីការអនុវត្តផែនការអភិវឌ្ឍន៍សេដ្ឋកិច្ចនិងសង្គមជាតិចិនឆ្នាំ ២០១៨ និងសេចកី្តព្រាងនៃផែនការអភិវឌ្ឍន៍សេដ្ឋកិច្ចនិងសង្គមជាតិចិនឆ្នាំ ២០១៩ ពិនិត្យពិភាក្សាលើរបាយការណ៍ស្តីអំពីការអនុវត្តថវិការដ្ឋាភិបាលមជ្ឈិមនិងរដ្ឋបាលមូលដ្ឋានឆ្នាំ ២០១៨ និងសេចកី្តពង្រាងអំពីថវិការដ្ឋាភិបាលមជ្ឈិមនិងរដ្ឋបាលមូលដ្ឋានឆ្នាំ ២០១៩ ពិនិត្យពិភាក្សាលើសំណើរបស់គណៈកម្មាធិការអចិន្ត្រៃយ៍នៃសភាតំណាងប្រជាជនទូទាំងប្រទេសចិនស្តីអំពីសេចក្តីព្រាងច្បាប់អំពីការវិនិយោគទុនរបស់ពាណិជ្ជករបរទេស ពិនិត្យពិភាក្សាលើរបាយការណ៍ការងារនៃគណៈកម្មាធិការអចិន្ត្រៃយ៍នៃសភាតំណាងប្រជាជនទូទាំងប្រទេសចិន ពិនិត្យពិភាក្សាលើរបាយការណ៍ការងាររបស់តុលាការប្រជាជនកំពូលនៃប្រទេសចិន និងពិនិត្យពិភាក្សាលើរបាយការណ៍ការងារនៃសាលាអយ្យការប្រជាជនកំពូលនៃប្រទេសចិនជាដើម ៕
