លោក Gaofeng អ្នកនាំពាក្យក្រសួងពាណិជ្ជកម្មចិនបានថែ្លងកាលពីថ្ងៃទី ១៧ ខែមករា ថា គួរតែពិនិត្យមើលឲ្យបានត្រឹមត្រូវពីភាពប្រែប្រួលនៃល្បឿនកំណើននៃការនាំចូលនិងការនាំចេញប្រចាំខែ។ការអភិវឌ្ឍផែ្នកពាណិជ្ជកម្មអន្តរជាតិរបស់ប្រទេសចិននៅតែមានការគាំទ្រយ៉ាងរឹងមាំនិងមានជំនឿទំនុកចិត្តក្នុងការជំរុញលើកកម្ពស់គុណភាពពាណិជ្ជកម្មអន្តរជាតិនៅឆ្នាំ ២០១៩ ឲ្យស្ថិតក្នុងស្ថិតភាព។
សូមរំលឹកថា ក្រសួងពាណិជ្ជកម្មចិនធ្លាប់បានស្នើឲ្យពង្រីកទីផ្សារសំខាន់ៗចំនួន ៣០ នៅឯបរទេសក្នុងឆ្នាំ ២០១៩ ។លោក Gaofeng បានថែ្លងថា មិនត្រឹមតែមានទីផ្សារក្នុងប្រទេសរីកចម្រើនប៉ុណ្ណោះទេ ថែមទាំងត្រូវមានទីផ្សារដែលកំពុងអភិវឌ្ឍន៍ដែលមានសក្តានុពលសម្រាប់បណ្តាប្រទេសនៃគំនិតផ្តួចផ្តើម“ខ្សែក្រវាត់មួយនិងផ្លូវមួយ”ផងដែរ។ក្រសួងពាណិជ្ជកម្មចិននឹងបន្តគាំទ្រដល់ការធ្វើពិពិធកម្មក្នុងទីផ្សារពាណិជ្ជកម្ម៕
