ឆ្នាំ ២០១៨ នេះជាខួបទី ៤០ នៃការអនុវត្តគោលនយោបាយកំណែទម្រង់និងបើកទូលាយរបស់ប្រទេសចិន សន្ទរកថាគន្លឹះរបស់លោកប្រធានរដ្ឋចិន ស៊ី ជីនភីង បានថ្លែងក្នុងឱកាសនៃការបើកមហាសន្និបាតអបអរសាទរនាពេលកន្លងទៅ ត្រូវបានអ្នកប្រាជ្ញនៃបណ្តាប្រទេសជាច្រើនកោតសរសើរ។
លោក jang se-jeong ប្រធានផ្នែកវិភាគនៃ«កាសែតមជ្ឈិម»កូរ៉េខាងត្បូង (Korea Joongang Daily)បានសរសើរដល់គំនិតផ្តួចផ្តើមក្នុងការកសាងសមាគន៍រួមវាសនាសម្រាប់មនុស្សជាតិរបស់លោក ស៊ី ជីនភីង។ លោកបានថ្លែងថា កំណែទម្រង់និងការបើកទូលាយរបស់ចិនបានផ្តល់វិភាគទានដ៏ធំសម្បើមដល់ការអភិវឌ្ឍនៃសង្គមមនុស្សជាតិ។ លោកមានការរំពឹងទុកថាប្រទេសចិននឹងដើរតួនាទីកាន់តែសំខាន់ថែមទៀតក្នុងសហគមន៍អន្តរជាតិ។
លោក Nasser Abdelfatah អ្នកជំនាញបញ្ហាប្រទេសចិនរបស់អេហ្ស៊ីបបានថ្លែងថា ព័ត៌មានដែលបានបង្ហាញតាមរយៈសន្ទរកថារបស់លោក ស៊ី ជីនភីង ធ្វើឲ្យមនុស្សគ្រប់គ្នាមានទំនុកចិត្តចំពោះអនាគតនៃប្រទេសចិន។ សម្រាប់ប្រទេសទ្វីបអាហ្វ្រិក អាមេរិកឡាទិន និងអាស៊ី សុទ្ធតែមានការរំពឹងទុកខ្លាំងទៅលើគំនិតផ្តួចផ្តើម “ខ្សែក្រវាត់មួយនិងផ្លូវមួយ” ហើយក៏រីករាយសហការរួមគ្នាប្រទេសចិន ដើម្បីទទួលបានផលប្រយោជន៍ទៅវិញទៅមកនិងឈ្នះ-ឈ្នះ៕