មហាសន្និបាតអបអរសាទរខួបទី ៤០ នៃការអនុវត្តគោលនយោបាយកំណែទម្រង់និងការបើកទូលាយរបស់ប្រទេសចិនត្រូវបានប្រារព្ធឡើងកាលពីថ្ងៃទី ១៨ ខែធ្នូ នៅក្រុងប៉េកាំង។ប្រព័ន្ធសារព័ត៌មានអន្តរជាតិជាច្រើនបានជជែកយ៉ាងយកចិត្តទុកដាក់ស្តីពីសមិទ្ធិផលនៃកំណែទម្រង់និងការបើកទូលាយរបស់ចិនព្រមទាំងផ្តោតនូវការយកចិត្តទុកដាក់ចំពោះទិសដៅនៃកំណែទម្រង់និងការអភិវឌ្ឍដែលបានបង្ហាញក្នុងសុន្ទរកថារបស់លោក ស៊ីជីនភីង ។
គេហទំព័ររបស់ BBC បានរាយការណ៍ឲ្យដឹងថា ប្រទេសចិនបានបញ្ជាក់ជាថ្មីឡើងវិញថា នឹងបន្តរួមចំណែកដល់អនាគតនៃមនុស្សជាតិ។
ទីភ្នាក់ងារ Associated Press បានវិភាគថា "ប្រទេសចិនបានសន្យាជាថ្មីម្តងទៀតថា នឹងធានារក្សាប្រព័ន្ធពាណិជ្ជកម្មពហុភាគីនិងបន្តជំរុញការបើកទូលាយនៃសេដ្ឋកិច្ច"។
ទីភ្នាក់ងាររ៉យទ័របានចេញផ្សាយអត្ថបទវិភាគមួយកាលពីថ្ងៃទី ១៨ ខែធ្នូ ដោយនិយាយថា សុន្ទរកថារបស់លោក ស៊ីជីនភីង បានបញ្ចេញអាកប្បកិរិយាវិជ្ជមានដែលថា កំណែទម្រង់និងការបើកទូលាយរបស់ចិនបន្តមានជារៀងរហូត៕