ថ្ងៃទី ១៨ ខែធ្នូ ថ្លែងក្នុងមហាសន្និបាតអបអរសាទរខួបទី ៤០ នៃការធ្វើកំណែទម្រង់និងការបើកចំហរបស់ប្រទេសចិន លោកស៊ី ជីនភីង ប្រធានរដ្ឋចិនបានលើកឡើងថា ប្រទេសចិនចាំបាច់ត្រូវតែប្រកាន់ខ្ជាប់ការកែលម្អនិងអភិវឌ្ឍរបបសង្គមនិយមប្រកបដោយលក្ខណៈពិសេសចិន អភិវឌ្ឍនិងបង្កើនឧត្តមានុភាពនៃប្រព័ន្ធនិងរបបគ្រប់គ្រងនៃប្រទេសចិនដោយឥតឈប់ឈរ ។ លោកបានបញ្ជាក់ថា ប្រទេសចិនចាំបាច់ត្រូវតែពង្រឹងនិងអភិវឌ្ឍសេដ្ឋកិច្ចកម្មសិទ្ធិរដ្ឋយ៉ាងដាច់ខាតមិនងាករេ លើកទឹកចិត្ត ផ្តល់ការគាំទ្រ និងណែនាំការអភិវឌ្ឍសេដ្ឋកិច្ចមិនមែនកម្មសិទ្ធិយ៉ាងដាច់ខាតមិនងាករេ ពន្លឿនការបង្កើតបានជាប្រព័ន្ធគ្រប់គ្រងដែលល្អពេញលេញ មានបទដ្ឋាននិងតាមបែបវិទ្យាសាស្រ្ត និងដំណើរការដោយមានប្រសិទ្ធភាព ដើម្បីជំរុញឲ្យរបបសង្គមនិយមប្រកបដោយលក្ខណៈពិសេសចិនមានភាពកាន់តែចាស់ទុំនិងនឹងនរ ៕