ថ្ងៃទី ១៨ ខែធ្នូ ថ្លែងក្នុងមហាសន្និបាតអបអរសាទរខួបទី ៤០ នៃការធ្វើកំណែទម្រង់និងការបើកចំហរបស់ប្រទេសចិន លោកស៊ី ជីនភីង ប្រធានរដ្ឋចិនបានលើកឡើងថា ការបង្កើតបក្សកុម្មុយនិស្តចិន ការបង្កើតសាធារណរដ្ឋប្រជាមានិតចិន និងការជំរុញកំណែទម្រង់និងការបើកចំហព្រមនិងបុព្វហេតុសង្គមនិយមប្រកបដោយលក្ខណៈពិសេសចិន ជាព្រឹត្តិការណ៍ប្រវត្តិសាស្រ្តធំទាំងបីរបស់ប្រទេសចិនគិតចាប់ពីឆ្នាំ ១៩១៩ មកទល់បច្ចុប្បន្ន និងជានិមិត្តសញ្ញាធំទាំងបីនៃការសម្រេចការស្តារឡើងវិញនូវភាពរុងរឿងដ៏មហិមានៃប្រជាជាតិចិននៅសម័យទំនើបផងដែរ ។
លោកស៊ី ជីនភីង បានកត់សម្គាល់ថា ចាប់ពីបើកធ្វើសមាជបក្សកុម្មុយនិស្តចិនលើកទី ១៨ មក សង្គមនិយមប្រកបដោយលក្ខណៈពិសេសចិនបានឈានចូលយុគសម័យថ្មី អារម្មណ៍នៃការទទួលបាន អារម្មណ៍មានសុភមង្គល និងអារម្មណ៍មានសន្តិសុខរបស់ប្រជាជនត្រូវបានលើកកម្ពស់យ៉ាងខ្លាំង ៕