ថ្ងៃទី ១៨ ខែធ្នូ លោក ស៊ី ជីនភីង ប្រធានរដ្ឋចិនបានលើកឡើងថា ប្រទេសចិនចាំបាច់ត្រូវប្រកាន់ខ្ជាប់ការអនុវត្តគោលនយោបាយកំណែទម្រង់និងបើកទូលាយ ក្នុងន័យជំរុញឥតឈប់ឈរនូវការរួមគ្នាកសាងសហគមន៍រួមវាសនាតែមួយរបស់មនុស្សជាតិ ។ លោកបានថ្លែងបន្តថា ប្រទេសចិននឹងជំរុញការបង្កើតទំនាក់ទំនងអន្តរជាតិបែបថ្មីប្រកបដោយការគោរពគ្នា សមភាព យុត្តិធម៌ កិច្ចសហប្រតិបតិ្តការនិងឈ្នះ-ឈ្នះ ។ ប្រទេសចិននឹងគាំទ្រការអភិវឌ្ឍរបស់បណ្តាប្រទេសកំពុងអភិវឌ្ឍន៍នានា សកម្មចូលរួមការធ្វើកំណែទម្រង់និងកិច្ចកសាងប្រព័ន្ធគ្រប់គ្រងនិងអភិបាលកិច្ចជាសកល ។ ប្រទេសចិនគាំទ្រប្រព័ន្ធពាណិជ្ជកម្មពហុភាគី និងជំរុញសេរីភាពនិងភាពងាយស្រួលនៃការធ្វើពាណិជ្ជកម្មនិងការបណ្តាក់ទុន ក៏ដូចជារួមសហការជាមួយបណ្តាភាគីនានា ដើម្បីបង្កបង្កើតនូវវេទិកាសហប្រតិបតិ្តការអន្តរជាតិថ្មីដែលចាត់ទុកការរួមគ្នាកសាង “ខ្សែក្រវាត់មួយនិងផ្លូវមួយ ”ជាកាងារអាទិភាព ។
លោក ស៊ី ជីនភីង បានគូសបញ្ជាក់ថា ប្រទេសចិនអនុវត្តនយោបាយការពារជាតិបែបការពារ ហើយមិនថាអភិវឌ្ឍដល់កម្រិតណាក៏ដោយ ក៏មិនធ្វើអនុត្តរភាពជាដាច់ខាតទេ ៕
