អ្នកសារព័ត៌មានបានទទួលដំណឹងពីការិយាល័យកិច្ចការបរទេសនិងអាណិកជនចិននៃទីក្រុងណាននីងខេត្តក្វាងស៊ីប្រទេសចិនកាលពីថ្ងៃទី១៦ខែតុលាឲ្យដឹងថា ពេលជួបពិភាក្សាជាមួយគណៈប្រតិភូក្រុងភ្នំពេញនៃប្រទេសកម្ពុជាដែលអញ្ជើញទៅធ្វើទស្សនកិច្ចនៅក្រុងណាននីង លោកZhou Hongboអភិបាលក្រុងណាននីងនិងលោកមាន ចាន់យ៉ាដាអភិបាលរងក្រុងភ្នំពេញបានចុះហត្ថលេខាលើពិធីសារស្តីពីការបង្កើតទំនាក់ទំនងជាទីក្រុងមិត្តភាព។
លោកZhou Hongboបានបង្ហាញពីការរំពឹងថា ការចុះហត្ថលេខាលើពិធីសារស្តីពីការបង្កើតទំនាក់ទំនងជាទីក្រុងមិត្តភាពលើកនេះនឹងក្លាយជាការចាប់ផ្តើមថ្មីសម្រាប់ទីក្រុងណាននីងនិងភ្នំពេញរួមគ្នាធ្វើឲ្យស៊ីជម្រៅនូវកិច្ចសហប្រតិបត្តិការនិងការផ្លាស់ប្តូរ ដូចជាការធ្វើឲ្យស៊ីជម្រៅនូវកិច្ចសហប្រតិបត្តិការផ្នែកសេដ្ឋកិច្ច ពាណិជ្ជកម្មនិងទេសចរណ៍ បង្កើនការផ្លាស់ប្តូរដោយមេត្រីភាពរវាងយុវជននិងក្មេងជំទង់ ក៏ដូចជាបង្កើនការយោគយល់គ្នា បង្កើនការកសាងទំនុកចិត្ត ពង្រឹងនិងពង្រីកចំណងមិត្តភាពនិងជួយជំរុញដល់កិច្ចសហប្រតិបត្តិការជាក់ស្តែងលើគ្រប់វិស័យផងដែរ៕
