វេទិកា Tuole ស្តីពីកិច្ចសហប្រតិបត្តិការផលិតភាពអន្តរជាតិរវាងចិននិងអាស៊ាន ឆ្នាំ ២០១៨ បានបិទបញ្ចប់កាលពីយប់ថ្ងៃទី ៩ ខែវិច្ឆិកា។មានគម្រោង ចំនួន ១៥ ត្រូវបានចុះហត្ថលេខាក្នុងទំហំទឹកប្រាក់ ២៩៥៤ លានយាន់ប្រាក់ចិនពាក់ព័ន្ធនឹងវិស័យ ដូចជា ទីក្រុងឌីជីថល ទេសចរណ៍និងថាមពលថ្មីជាដើម។
ប្រធានបទនៃវេទិកានេះ គឺ "ការធ្វើសមាហរណកម្មសម្រាប់កិច្ចកសាងគំនិតផ្តួចផ្តើមខ្សែក្រវាត់មួយនិងផ្លូវមួយនិងការពង្រឹងកិច្ចសហប្រតិបត្តិការផលិតភាពអន្តរជាតិ"។ភ្ញៀវកិត្តិយសបានវាយតម្លៃជាវិជ្ជមានដល់កិច្ចសហប្រតិបត្តិការនៃផលិតភាពរវាងចិននិងអាស៊ាន។
លោក IEM Puthviro អគ្គកុងស៊ុលកម្ពុជាប្រចាំនៅក្រុងគុនមីងដែលអញ្ជើញចូលរួមវេទិកានេះបានថែ្លងថា កិច្ចសហប្រតិបត្តិការផលិតភាពរវាងចិននិងអាស៊ានមានសារៈសំខាន់ខ្លាំងណាស់ ហើយកិច្ចសហប្រតិបត្តិការជាមួយចិននឹងជំរុញការអភិវឌ្ឍឲ្យបានកាន់តែប្រសើរឡើងសម្រាប់ប្រទេសកម្ពុជា។លោករំពឹងថា កម្ពុជានឹងអាចបង្កើនកិច្ចសហប្រតិបត្តិការជាមួយចិនក្នុងវិស័យ ហេដ្ឋារចនាសម្ព័ន្ធនិងធនធានមនុស្សជាដើម៕
