ពិព័រណ៍នាំចូលចិនអន្តរជាតិលើកដំបូងបានសម្ពោធបើកកាលពីថ្ងៃទី ៥ ខែវិច្ឆិកា ។ សុន្ទរកថារបស់លោក ស៊ី ជីនភីង ប្រធានរដ្ឋចិននៅឯពិធីសម្ពោធបើកទទួលបានការវាយតម្លៃវិជ្ជមានពីសំណាក់សហគមន៍អន្តរជាតិ។
លោក Axel Goethals វិជ្ជាករល្បីឈ្មោះនៅអឺរ៉ុបបានថ្លែងថា សុន្ទរកថារបស់លោក ស៊ី ជីនភីង បានផ្តល់សារវិជ្ជមានអំពីការធ្វើពាណិជ្ជកម្មសេរីដល់ពិភពលោក។
ទូរទស្សន៍ជាតិជប៉ុនបានផ្សាយថា ក្រោមបរិបទទូទៅនៃគោលនយោបាយការពារនិយមផ្នែកពាណិជ្ជកម្មរបស់អាមេរិក ប្រទេសចិនបានបង្ហាញនូវអាកប្បកិរិយាដែលបើកទូលាយទីផ្សារនិងផ្តល់វិភាគទានយ៉ាងសកម្មដល់ការធ្វើពាណិជ្ជកម្មសេរីដល់សកលលោក។
ទីភ្នាក់ងារព័ត៌មានប្រទេសថៃក៏បានចេញផ្សាយបទអត្ថធិប្បាយថា ប្រទេសចិនត្រៀមខ្លួនរួចជាស្រេច ដើម្បីជំរុញការអភិវឌ្ឍពាណិជ្ជកម្មអន្តរជាតិដែលមានតុល្យភាពហើយបណ្តាប្រទេសទាំងអស់គួរតែខិតខំដោះស្រាយបញ្ហាផ្ទាល់ខ្លួន តែមិនមែនរិះគន់អ្នកដទៃទេ៕