ថ្ងៃទី៥ខែវិច្ឆិកា លោកស៊ីជីនភីងប្រធានរដ្ឋចិនបានថ្លែងនៅក្រុងសៀងហៃថា តាមការប៉ាន់ប្រមាណ នៅរយៈពេល១៥ឆ្នាំនាពេលអនាគត ទំនិញនិងសេវាកម្មដែលប្រទេសចិននាំចូលនឹងមានតម្លៃលើសពី៣០ទ្រីលានដុល្លារអាមេរិកនិង១០ទ្រីលានដុល្លារអាមេរិកដោយឡែកពីគ្នា ប្រទេសចិននឹងបង្កើនកម្លាំងជំរុញកម្រិតបើកទូលាយរបស់ប្រទេសចិនលើវិស័យចំនួន៥ គឺបំផុសសក្តានុពលនាំចូល បន្ធូរបន្ថយជាបន្តបន្ទាប់នូវការអនុញ្ញាតឲ្យចូលបណ្តាក់ទុននៅទីផ្សារចិន បង្កបង្កើតបរិយាកាសប្រកបអាជីវកម្មលំដាប់ទីមួយលើផ្ទៃអន្តរជាតិ បង្កើតចំណុចទាក់ទាញក្រសែចក្ខុថ្មីក្នុងការបើកទូលាយចំពោះក្រៅប្រទេសនិងជំរុញកិច្ចសហប្រតិបត្តិការទ្វេភាគីនិងពហុភាគីឲ្យរីកចម្រើនកាន់តែស៊ីជម្រៅ។
លោកស៊ីជីនភីងបានថ្លែងទៀតថា ប្រទេសចិនរីករាយក្នុងការជំរុញឲ្យបានឆាប់រហ័សអំពីការសម្រចបាននូវកិច្ចព្រមព្រៀងអំពីទំនាក់ទំនងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ ពន្លឿនការជំរុញការចរចាអំពីកិច្ចព្រមព្រៀងវិនិយោគរវាងចិននិងសហភាពអឺរ៉ុប ក៏ដូចជាពន្លឿនដំណើរចរចាអំពីតំបន់ពាណិជ្ជកម្មសេរីរវាងចិន ជប៉ុននិងកូរ៉េខាងត្បូងផងដែរ។
