នៅថ្ងៃទី ៥ ខែវិច្ឆិកា នៅទីក្រុងសៀងហៃប្រទេសចិន លោក ស៊ីជីនភីង ប្រធានរដ្ឋចិនបានអំពាវនាវឲ្យបណ្តាប្រទេសនានាបង្ហាញនូវភាពក្លាហានកាន់តែច្រើនដើម្បីជំរុញយ៉ាងសកម្មនូវកិច្ចសហប្រតិបត្តិការបែបបើកទូលាយនិងសម្រេចបាននូវការអភិវឌ្ឍរួម។
លោក ស៊ីជីនភីង បានសង្កត់ធ្ងន់ថា ការធ្វើសកលភាវូបនីយកម្មសេដ្ឋកិច្ចគឺជានិន្នាការប្រវត្តិសាស្ត្រដែលមិនអាចបង្វិលថយក្រោយបាន។កិច្ចសហប្រតិបត្តិការបែបបើកទូលាយ គឺជាកម្លាំងចលករដ៏សំខាន់មួយក្នុងការជំរុញភាពរស់រវើកនៃសេដ្ឋកិច្ចនិងពាណិជ្ជកម្មអន្ដរជាតិ ក៏ដូចជាតម្រូវការពិតប្រាកដនៃការជំរុញការងើបឡើងវិញនៃសេដ្ឋកិច្ចពិភពលោកដែលប្រកបដោយស្ថិរភាព ហើយជាតម្រូវការនៃសម័យកាលដែលលើកកម្ពស់វឌ្ឍនភាពឥតឈប់ឈរនៃសង្គមមនុស្សជាតិផងដែរ។
