ថ្ងៃទី៥ខែវិច្ឆិកា នៅក្រុងសៀងហៃប្រទេសចិន លោកស៊ីជីនភីងប្រធានរដ្ឋចិនបានអញ្ជើញចូលរួមពិធីសម្ពោធបើកពិព័រណ៍នាំចូលចិនអន្តរជាតិលើកដំបូង ព្រមទាំងថ្លែងសុន្ទរកថាគន្លឹះដែលមានចំណងជើងថា”រួមគ្នាកសាងសេដ្ឋកិច្ចពិភពលោកបែបបើកទូលាយដែលប្រកបដោយការច្នៃប្រឌិតថ្មីនិងបរិយាប័ន្ន”។
ថ្លែងក្នុងសុន្ទរកថា លោកស៊ីជីនភីងបានតាងនាមឲ្យរដ្ឋាភិបាលនិងប្រជាជនចិន ព្រមទាំងខ្លួនលោកផ្ទាល់ សម្តែងការស្វាគមន៍យ៉ាងកក់ក្តៅចំពោះប្រតិភូនៃប្រទេស តំបន់និងអង្គការអន្តរជាតិចំនួន១៧២និងសហគ្រាសចំនួនជាង៣៦០០សហគ្រាសដែលអញ្ជើញមកចូលរួមពិព័រណ៍នាំចូលចិនអន្តរជាតិលើកនេះ ស្វាគមន៍មិត្តភ័ក្តិមកពីប្រទេសនានាក្តាប់ជាប់កាលានុវត្តភាពអភិវឌ្ឍន៍របស់ប្រទេសចិន ធ្វើឲ្យស៊ីជម្រៅនូវកិច្ចសហប្រតិបត្តិការផ្នែកសេដ្ឋកិច្ចនិងពាណិជ្ជកម្មអន្តរជាតិ ដើម្បីសម្រេចបាននូវភាពចម្រុងចម្រើននិងវឌ្ឍនភាពជាមួយគ្នា៕
