ប្រទេសចិនបានប្រកាសនៅថៃ្ងទី៥ ខែវិច្ឆិកា ថានឹងដាក់ចេញគោលនយោបាយសំខាន់ ចំនួន៣ ដើម្បីជំរុញការពង្រីកការបើកទូលាយនៅក្រុងសៀងហៃនិងកន្លែងផ្សេងទៀត។
លោក ស៊ីជីនភីង ប្រធានរដ្ឋចិនបានថែ្លងនៅក្រុងសៀងហៃថា ប្រទេសចិននឹងបង្កើតតំបន់ពាណិជ្ជកម្មថ្មីថែមទៀតក្រោមឱវាទតំបន់ពាណិជ្ជកម្មសេរីសាកល្បងក្រុងសៀងហៃដោយលើកទឹកចិត្តនិងគាំទ្រឲ្យសៀងហៃបង្កើនបទពិសោធកាន់តែច្រើនដែលអាចចម្លងបាននិងអាចផ្សព្វផ្សាយទូលំទូលាយបានក្នុងការលើកកម្ពស់ការវិនិយោគនិងការធ្វើសេរីភាវូបនីយកម្មនិងកិច្ចសម្រួលពាណិជ្ជកម្មនៅទូទាំងប្រទេស ក៏ដូចជាគាំទ្រដល់ការអភិវឌ្ឍបែបសមាហរណកម្មនៃតំបន់ដីសណ្តទន្លេយ៉ាងសេ រួមមាន ក្រុងសៀងហៃ ខេត្តចឺជាងនិងជាំងស៊ូជាដើម ដោយលើកកម្ពស់ឲ្យទៅជាយុទ្ធសាស្រ្តជាតិដើម្បីគួបផ្សំជាមួយកិច្ចកសាងគំនិតផ្តួចផ្តើមខ្សែក្រវាត់មួយនិងផ្លូវមួយ ការអភិវឌ្ឍទន្ទឹមគ្នារវាងក្រុងប៉េកាំង ធានជីននិងខេត្តហឺបេ ការអភិវឌ្ឍខ្សែក្រវាត់សេដ្ឋកិច្ចទន្លេយ៉ាងសេនិងកិច្ចកសាងមហាតំបន់ឈូងសមុទ្រក្វាងតុង ហុងកុងនិងម៉ាកាវដើម្បីកែលម្អនូវរចនាសម្ព័ន្ធនៃកំណែទម្រង់និងការបើកទូលាយរបស់ប្រទេសចិន៕
