ពិព័រណ៍នាំចូលចិនអន្តរជាតិលើកទី១នឹងសម្ពោធបើកនៅក្រុងសៀងហៃនៅថ្ងៃទី៥ខែវិច្ឆិកាឆ្នាំ២០១៨។ ក្នុងពិព័រណ៍លើកនេះ ប្រទេសសិង្ហបុរីនឹងមានពន្លាពិព័រណ៌ឯករាជ្យមួយដែលសហគ្រាសសិង្ហបុរីជាច្រើនបានចុះឈ្មោះចូលរួមយ៉ាងសកម្ម។
តាមប្រភពព័ត៌មានឱ្យដឹងថា ចំនួនសហគ្រាសសិង្ហបុរីដែលចូលរួមក្នុងពិព័រណ៍នាំចូលលើកនេះស្ថិតនៅលំដាប់លេខ១ក្នុងចំណោមបណ្តាប្រទេសអាស៊ាននានា សរុបមានសហគ្រាសសិង្ហបុរីជាង៨០នឹងទៅចូលរួមពិព័រណ៌៍លើកនេះនៅក្រុងសៀងហៃ ចំណែកឯទំហំសម្រាប់ដាក់តាំងផលិតផលនៃសហគ្រាសពាណិជ្ជកម្មសម្លៀកបំពាក់របស់សិង្ហបុរីគឺលើសពី១ពាន់ម៉ែត្រការ៉េ ដែលជាទំហំដាក់តាំងធំជាងគេក្នុងចំណោមពន្លាពិព័រណ៍ពាណិជ្ជកម្មសម្លៀកបំពាក់នៃពិព័រណ៍នាំចូលលើកនេះ៕
