ថ្ងៃទី២៩ខែតុលា ពេលផ្តល់បទសម្ភាសន៍ជាមួយអ្នកសារព័ត៌មាននៃវិទ្យុអន្តរជាតិចិន លោកDang Minh Khoiឯកអគ្គរដ្ឋទូតវៀតណាមប្រចាំនៅប្រទេសចិនបានថ្លែងថា លោកNguyen Xuan Phucនាយករដ្ឋមន្រ្តីវៀតណាមនឹងដឹកនាំគណៈប្រតិភូជាន់ខ្ពស់របស់រដ្ឋាភិបាលអញ្ជើញចូលរួមសកម្មភាពសំខាន់ៗនៃពិព័រណ៍នាំចូលចិនអន្តរជាតិលើកទី១ដែលនឹងប្រព្រឹត្តទៅ ពីថ្ងៃទី៤ដល់៥ខែវិច្ឆិកាខាងមុខ។
គួររំលឹកថា ប្រទេសវៀតណាមគឺជាប្រទេសកិត្តិយសមួយក្នុងចំណោមប្រទេសកិត្តិយសសំខាន់ៗចំនួន១២នៃពិព័រណ៍នាំចូលចិនអន្តរជាតិលើកទី១ ពន្លាពិព័រណ៌វៀតណាមនឹងដាក់តាំងជាសំខាន់នុវកសិផល ជលផល គ្រឿងឧបភោគបរិភោគកែច្នៃនិងសេវាកម្មពាណិជ្ជកម្ម។
លោកDang Minh Khoiបានបង្ហើយបឱ្យដឹងទៀតថា សហគ្រាសសំខាន់ៗចំនួន២៦របស់វៀតណាមនឹងចូលរួមពិព័រណ៌៍លើកនេះ។ ក្រៅពីនេះសហគ្រាសចិននិងវៀតណាមនឹងធ្វើសកម្មភាពផ្លាស់ប្តូរនៅថ្ងៃទី៦ខែវិច្ឆិកា ដើម្បីពិភាក្សាអំពីឱកាសពាណិជ្ជកម្ម និងជីកកកាយសក្តានុពលនៃកិច្ចសហប្រតិបត្តិការខាងសេដ្ឋកិច្ចនិងពាណិជ្ជកម្មរវាងប្រទេសទាំងពីរ៕