ថ្ងៃទី ១០ ខែតុលា នៅក្រុងប៉េកាំង ពេលជួបសំណេះសំណាលជាមួយតំណាងប្រទេសជប៉ុនដែលអញ្ជើញមកចូលរួមកិច្ចសន្ទនាជុំទី ៤នៃសហគ្រិននិងអតីតមន្ត្រីជាន់ខ្ពស់រវាងចិននិងជប៉ុន លោក លីខឺឈាង នាយករដ្ឋមន្ត្រីចិនបានថ្លែងថា សង្ឃឹមប្រទេសចិននិងជប៉ុនអាចរួមគ្នាគាំពារពហុភាគីនិយមនិងប្រព័ន្ធពាណិជ្ជកម្មសេរី ។
ថ្លែងក្នុងកិច្ចជំនួប លោក លីខឺឈាង បានលើកឡើងថា ប្រទេសចិននិងជប៉ុនជាតួអង្គសេដ្ឋកិច្ចសំខាន់លើពិភពលោក សង្ឃឹមភាគីទាំងពីរអាចពង្រឹងនិងពង្រីកឧត្តមភាពបំពេញបន្ថែមគ្នា ក្នុងន័យគាំពារពហុភាគីនិយមនិងប្រព័ន្ធពាណិជ្ជកម្មសេរី ។ ប្រទេសចិននឹងបន្តបើទូលាយ និងបន្តដើរតួនាទីសកម្មតទៅទៀតដើម្បីជំរុញការផ្លាស់ប្តូរនិងកិច្ចសហប្រតិបតិ្តការរវាងចិននិងជប៉ុន ។
ជាការឆ្លើយតប លោក Fukuda Yasuo អតីតនាយករដ្ឋមន្ត្រីជប៉ុន និងតំណាងជប៉ុនផ្សេងទៀតបានថ្លែងថា មជ្ឈដ្ឋានសេដ្ឋកិច្ចជប៉ុនរីករាយរួមសហការជាមួយប្រទេសចិន ក្នុងន័យធ្វើការពិគ្រោះពិភាក្សាយ៉ាងសកម្មអំពីការជំរុញច្នែប្រឌិតថ្មីនិងកិច្ចសហប្រតិបតិ្តការជាមួយទីផ្សារភាគីទីបី ក៏ដូចជាបង្កើនកិច្ចសហប្រតិបតិ្តការរវាងភាគីទាំងពីរលើវិស័យប្រឈមនឹងការសាកល្បងដូចគ្នា ដូចជាការពារបរិស្ថាន ការប្រឈមនឹងបញ្ហាឈានចូលសង្គមមនុស្សវ័យជរាជាដើម ៕