ពេលថ្មីៗកន្លងទៅនេះ ក្នុងសនិ្នសីទជាប្រចាំនៃគណៈកម្មាធិការទី៥របស់មហាសនិ្នបាតអង្គការសហប្រជាជាតិលើកទី៧៣ ស្តីពីការងាររៀបចំសនិ្នសីទ លោក Ma Zhaoxu តំណាងប្រទេសចិនប្រចាំជាអចិន្ត្រៃយ៍នៅអង្គការសហប្រជាជាតិបានគូសបញ្ជាក់ថា ការប្រើប្រាស់ថវិកាអង្គការសហប្រជាជាតិត្រូវកាន់តែផ្តោតសំខាន់ទៅលើការគ្រប់គ្រងប្រសិទ្ធភាពដោយគ្រប់ជ្រុងជ្រោយ ។
ថ្លែងក្នុងសនិ្នសីទ លោក Ma Zhaoxu បានលើកឡើងថា ប្រទេសចិននឹងចូលរួមការពិគ្រោះពិភាក្សាដោយគ្រប់ជ្រុងជ្រោយនិងស៊ីជម្រៅអំពីបញ្ហាពាក់ព័ន្ធ នឹងរួមគ្នាជាមួយប្រទេសជាសមាជិកផ្សេងទៀតធ្វើការងារត្រួតពិនិត្យឲ្យបានល្អ ដើម្បីធានាជាក់លាក់ឲ្យការគ្រប់គ្រងថវិការបស់អង្គការសហប្រជាជាតិអាចបង្ហាញឲ្យបានពេញលេញបំផុតនូវផលប្រយោជន៍និងសំណូមពររបស់ប្រទេសជាសមាជិកអង្គការសហប្រជាជាតិ ៕