ថ្ងៃទី១៣ខែកញ្ញា វេទិកាស្តីពីការអភិវឌ្ឍវប្បធម៌មនុស្សជាតិតាមបណ្តាញអ៊ីនធើណែតនៃកំពង់ផែព័ត៌មានចិនអាស៊ានបានធ្វើឡើងនៅក្រុងណាននីងប្រទេសចិនដែលក្រោមប្រធានបទ”ការច្នៃប្រឌិតថ្មីនិងការរួមបញ្ចូលគ្នាក្នុងវិស័យវប្បធម៌មនុស្សជាតិដើម្បីណែនាំជីវភាពឌីជីថល ” ក្នុងន័យស្វែងរកនិងពិភាក្សាអំពីវិធីសាស្រ្តផ្លាស់ប្តូរវប្បធម៌មនុស្សជាតិតាមបណ្តាញអ៊ីនធើណែតរវាងចិននិងអាស៊ាន ឯកភាពមតិអភិវឌ្ឍន៍និងសម្លឹងមើលអនាគតនៃកិច្ចសហប្រតិបត្តិការ។មន្រ្តីរដ្ឋាភិបាលនៃប្រទេសចិននិងបណ្តាប្រទេសអាស៊ានចំនួន១០ អ្នកគ្រប់គ្រងសហគ្រាស អ្នកជំនាញមុខរបរនិងអ្នកសារព័ត៌មានព្រមទាំងភ្ញៀវកិត្តិយសផ្សេងទៀតរួមទាំងអស់មានចំនួនជាង២៥០នាក់បានចូលរួមវេទិកាលើកនេះ។
វេទិកានេះជាវេទិកាកំពូលទី១នៃវិស័យវប្បធម៌មនុស្សជាតិតាមបណ្តាញអ៊ីនធើណែតដែលភូមិភាគស្វយ័តក្វាងស៊ីបានរៀបចំធ្វើក្នុងរយៈពេលប៉ុន្មានឆ្នាំចុងក្រោយនេះ ការធ្វើវេទិកានេះនឹងមានអត្ថន័យសំខាន់និងវិជ្ជមានក្នុងការជំរុញកិច្ចកសាងក្វាំងស៊ីឌីជីថល ជំរុញដំណើរការកសាងភូមិភាគខ្លាំងពូកែផ្នែកបណ្តាញអ៊ីនធើណែតនិងវប្បធម៌និងលើកកម្ពស់កម្រិតសហប្រតិបត្តិការផ្លាស់ប្តូរវប្បធម៌តាមបណ្តាញអ៊ីនធើណែតរវាងចិននិងអាស៊ាន។
តាមដឹង នៅលើវេទិកានេះ អ្នកទទួលខុសត្រូវនៃស្ថានីយវិទ្យុនិងស្ថានីយទូរទស្សន៍នៃប្រទេសកម្ពុជា ឡាវនិងម៉ាឡេស៊ីជាដើមបានឧទ្ទេសនាមអំពីសភាពការណ៍អភិវឌ្ឍន៍ក្នុងវិស័យប្រព័ន្ធផ្សព្វផ្សាយបែបថ្មីនិងការផ្សព្វផ្សាយវប្បធម៌តាមបណ្តាញអ៊ីនធើណែតរបស់ប្រទេសខ្លួនដោយឡែកពីគ្នា។
