កាលពីថ្ងៃទី៩ខែសីហា ក្រសួងបង្រួបបង្រួមកូរ៉េខាងត្បូងបានប្រកាសថា ភាគីទាំងពីរកូរ៉េខាងត្បូងនិងកូរ៉េខាងជើងនឹងធ្វើកិច្ចជំនួបជាន់ខ្ពស់នៅ វិមានបង្រួបបង្រួមនៃតំបន់ Panmunjomដែលស្ថិតនៅប៉ែកខាងកូរ៉េខាងត្បូង ដើម្បីពិភាក្សាអំពីផែនការអនុវត្តសេចក្តីប្រកាស Panmunjom។
សូមបញ្ជាក់ថា កាលពីថ្ងៃទី២៧ខែមេសាឆ្នាំ២០១៨នេះ លោកមូចេអ៊ីនប្រធានាធិបតីកូរ៉េខាងត្បូងនិងលោកគីមជុងអ៊ុនប្រធានគណៈកម្មាធិការកិច្ចការរដ្ឋកូរ៉េខាងជើងបានជួបពិភាក្សានៅតំបន់ Panmunjomនិងបានចុះហត្ថលេខាលើសេចក្តីប្រកាស Panmunjom ដើម្បីប្រកាសថាភាគីទាំងពីរនឹងខិតខំដើម្បីសម្រេចការគ្មាននុយគ្លេអ៊ែរនៅឧបទ្វីបកូរ៉េនិងការផ្លាស់ប្តូរមុខងារនៃយន្តការឈប់បាញ់និងសន្តិភាព៕