ចាប់ពីថ្ងៃទី១១ខែកក្កដាតទៅ អង្គការពាណិជ្ជកម្មពិភពលោកចាប់ផ្តើមធ្វើការពិនិត្យពិភាក្សាផ្នែកគោលនយោបាយពាណិជ្ជកម្មលើកទី៧ចំពោះប្រទេសចិន។ក្នុងសន្និសីទពិនិត្យពិភាក្សាដែលបើកធ្វើនៅថ្ងៃដដែល លោកWangShouwenអនុរដ្ឋមន្រ្តីក្រសួងពាណិជ្ជកម្មចិននិងជាតំណាងរងទទួលបន្ទុកការចរចាពាណិជ្ជកម្មអន្តរជាតិដែលបានដឹកនាំគណៈប្រតិភូទៅចូលរួមការពិនិត្យពិភាក្សាលើកនេះបានធ្វើបទបង្ហាញអំពីការវិវឌ្ឍថ្មីលើវិស័យវិនិយោគនិងពាណិជ្ជកម្មរបស់ប្រទេសចិន វិធានការសំខាន់ៗក្នុងការកែទម្រង់និងបើកទូលាយចំពោះបរទេស ព្រមនិងសភាពការណ៍ពាក់ព័ន្ធក្នុងការចូលរួមយ៉ាងសកម្មនូវប្រព័ន្ធពាណិជ្ជកម្មពហុភាគីនិងការដើរតួនាទីជាប្រទេសធំដែលមានភាពទទួលខុសត្រូវ ចាប់តាំងពីការពិនិត្យពិភាក្សាលើកមុនដែលបានធ្វើនៅខែកក្កដាឆ្នាំ២០១៦។
លោកWangShouwenបានថ្លែងថា ចាប់ពីប្រទេសចិនចូលជាសមាជិកនៃអង្គការពាណិជ្ជកម្មពិភពលោកនាឆ្នាំ២០០១រហូតដល់ឆ្នាំ២០១៧ ទំហំនាំចូលពាណិជ្ជកម្មទំនិញរបស់ប្រទេសចិនគិតជាមធ្យមក្នុងមួយឆ្នាំបានកើនឡើង១៣,៥% ត្រូវជា២ដងនៃកម្រិតមធ្យមភាគនៃពិភពលោកទាំងមូល។
លោកបានថ្លែងទៀតថា នៅឆ្នាំ២០១៧ តម្លៃប្រើប្រាស់កម្មសិទិ្ធបញ្ញាដែលប្រទេសចិនបានបង់ឲ្យបរទេសមានដល់ទៅ២ម៉ឺន៨ពាន់៦រយលានដុល្លារអាមេរិក។តាមសៀវភៅសឆ្នាំ២០១៨នៃសភាពាណិជ្ជកម្មអាមេរិកនៅប្រទេសចិនបានបង្ហាញថា បញ្ហាកម្មសិទ្ធិបញ្ញាលែងជាឧបសគ្គសំខាន់របស់សហគ្រាសអាមេរិកដែលបានបណ្តាក់ទុននៅប្រទេសចិនដែលបានជួបប្រទះក្នុងការធ្វើអាជីវកម្មទៀតហើយ៕