ថ្ងៃទី១១ខែកក្កដា លោកStoltenbergអគ្គលេខាធិការអង្គការណាតូបានថ្លែងក្នុងសន្និសីទសារព័ត៌មានថា ក្នុងសន្និសីទកំពូលអង្គការណាតូដែលបើកធ្វើនៅថ្ងៃដដែល អ្នកដឹកនាំនៃប្រទេសជាសមាជិកអង្គការណាតូចំនួន២៩ប្រទេសបានឈានដល់គំនិតឯកភាពគ្នាអំពីការបែងចែកទំនួលខុសត្រូវរបស់ប្រទេសជាសមាជិក ការបង្រ្កាបភេរវនិយមនិងការបង្កើនកម្លាំងការពាររបស់អង្គការណាតូ។
លោកStoltenbergបានថ្លែងថា ប្រទេសជាសមាជិកនានាឯកភាពគ្នាថានឹងធ្វើកិច្ចខិតខំប្រឹងប្រែងខាងវិស័យថវិកាការពារជាតិ កិច្ចកសាងកម្លាំងយោធានិងការរួមចំណែកក្នុងប្រតិបត្តិការអង្គការណាតូ។ឆ្នាំ២០១៨នេះ ការចំណាយផ្នែកយោធានៃប្រទេសជាសមាជិកអង្គការណាតូចំនួន៨នឹងសម្រេចគោលដៅដែលត្រូវជា២%នៃតម្លៃផលិតផលក្នុងស្រុកសរុបរបស់ប្រទេសខ្លួន។អង្គការណាតូនឹងបំពេញភារកិច្ចហ្វឹកហ្វឺនថ្មីនៅប្រទេសអ៊ីរ៉ាក់ ក្រៅពីនេះ ក៏នឹងសម្រេចចិត្តបង្កើនការគាំទ្រចំពោះប្រទេសហ៊្សកដានីនិងទុយណេស៊ីខាងផ្នែកប្រឆាំងភេរវកម្មផងដែរ៕