ថ្ងៃទី១ខែមិថុនា កិច្ចប្រជុំកំពូលប្រព័ន្ធសារព័ត៌មាននៃអង្គការសហប្រតិបត្តិការសៀងហៃលើកទី១បានបើកធ្វើនៅក្រុងប៉េកាំង។ លោកស៊ីជីនភីងប្រធានរដ្ឋចិនបានផ្ញើសារជូនពរចំពោះកិច្ចប្រជុំលើកនេះ។
ថ្លែងក្នុងសារជូនពរ លោកស៊ីជីនភីងបានលើកឡើងថា ក្នុងឋានៈជាស្ពានសំខាន់សម្រាប់បណ្តាប្រទេសនានានៃអង្គការសហប្រតិបត្តិការសៀងហៃធ្វើការផ្លាស់ប្តូរនិងកិច្ចសហប្រតិបត្តិការក៏ដូចជាជំរុញការតភ្ជាប់ដួងចិត្តប្រជាជន ប្រព័ន្ធសារព័ត៌មានគប្បីខិតខំធ្វើជាអ្នកផ្សព្វផ្សាយស្មារតីសៀងហៃ ជាអ្នកត្រួសត្រាយកិច្ចសហប្រតិបត្តិការប្រាកដប្រជា និងជាអ្នកផ្សព្វផ្សាយចំណងមេត្រីភាពរវាងប្រជាជន។ ប្រទេសចិនគាំទ្រយ៉ាងមុតមាំចំពោះការអភិវឌ្ឍនៃអង្គការសហប្រតិបត្តិការសៀងហៃ រីករាយក្នុងការពួតដៃគ្នាជាមួយបណ្តាភាគីនានាដើម្បីកសាងសហគមន៍រួមវាសនាតែមួយក្នុងតំបន់ដែលមានភាពកាន់តែស្អិតល្មួត និងជំរុញការបង្កើតសហគមន៍រួមវាសនាតែមួយរបស់មនុស្សជាតិ៕
