មហាសន្និបាតសុខាភិបាលពិភពលោកលើកទី ៧១ កំពុងបើកធ្វើនៅទីក្រុងហ្សឺណែវ ប្រទេសស្វីស។ ក្នុងអនុវេទិកាក្រោមប្រធានបទពាក់ព័ន្ធនឹងការលុបបំបាត់ជំងឺគ្រុនចាញ់ តំណាងប្រទេសចិនបានថ្លែងថា ការរីករាលដាលនៃជំងឺគ្រុនចាញ់ក្នុងប្រទេសចិនបន្តធ្លាក់ចុះ យុទ្ធសាស្ត្របច្ចេកទេសលុបបំបាត់ជំងឺគ្រុនចាញ់របស់ប្រទេសចិនត្រូវសហគមន៍អន្តរជាតិទទួលស្គាលជាទូទៅ ព្រមទាំងត្រូវបានអង្គការសុខភាពពិភពលោកណែនាំផ្សព្វផ្សាយឲ្យបណ្តាប្រទេសផ្សេងៗធ្វើតាមទៀតផង។
ក្នុងអនុវេទិកានេះ ផ្នែកសុខាភិបាលប្រទេសចិន កម្ពុជា មីយ៉ាន់ម៉ា ឡាវ ថៃនិងវៀតណាមក៏បានរួមគ្នាចុះហត្ថលេខាលើគំនិតផ្តួចផ្តើមអំពីសកម្មភាពថ្នាក់រដ្ឋមន្ត្រីក្រោមប្រធានបទ “ ការលុបបំបាត់ជំងឺគ្រុនចាញ់នៅឆ្នាំ ២០៣០ តាមមហាអនុតំបន់ទន្លេមេគង្គ ” បណ្តាប្រទេសទាំងអស់នឹងសកម្មធ្វើសកម្មភាពកិច្ចសហប្រតិបត្តិការគ្រប់បែបយ៉ាងដើម្បីសម្រេចបំណងលុបបំបាត់ជំងឺគ្រុនចាញ់៕
