ថ្ងៃទី៥ខែកញ្ញា កិច្ចប្រជុំកំពូលលើកទី៨នៃអ្នកដឹកនាំរបស់ក្រុមG20បានបើកធ្វើនៅ​ក្រុង Saint Peterburg ប្រទេសរុស្ស៊ី ។លោកXi JinPing ប្រធានរដ្ឋចិនបានចូលរួមកិច្ច​ប្រជុំហើយបានថ្លែងសុន្ទរកថាដ៏មានសារសំខាន់ គូសបញ្ជាក់ថា ប្រទេសនានាត្រូវតែ​មានចក្ខុវិស័យវែងឆ្ងាយ គាំពារយ៉ាងដាច់ខាតនិងអភិវឌ្ឍន៍សេដ្ឋកិច្ចពិភពលោកបែប​បើកទូលាយ កសាងទំនាក់ទំនងដៃគូសេដ្ឋកិច្ចកាន់តែស្និទ្ធស្នាល ធានាបានកាតព្វកិច្ច​ដែលត្រូវរ៉ាប់រង ។ប្រទេសចិនមានលទ្ធភាពនិងមានសមត្ថភាពក្នុងការសម្រេចឲ្យសេដ្ឋ​កិច្ចរីកចំរើនទៅមុខដោយបរិសុទ្ធនិងនិរន្តរភាព។

     ពេលថ្លែងសុន្ទរកថា លោកXi JinPing បានបង្ហាញថា បច្ចុប្បន្ន យើងត្រូវតែខិតខំ​បង្កើតសេដ្ឋកិច្ចពិភពលោកដែលប្រទេសនានាអាចអភិវឌ្ឍន៍និងឆ្នៃប្រឌិតថ្មី ការទាក់​ទងគ្នាក្នុងកំណើននិងសមាហរណកម្មនៃផលប្រយោជន៍។

     ការបង្កើតសេដ្ឋកិច្ចពិភពលោកបែបនេះ ចាំបាច់ត្រូវតែសមាជិកនានានៃក្រុមG20​ កសាងទំនាក់ទំនងដៃគូសេដ្ឋកិច្ចកាន់តែស្និទ្ធស្នាល  ធានាបានកាតព្វកិច្ចដែលត្រូវរ៉ាប់​រង។