សកម្មភាពអ្នកសារព័ត៌មានចិននិងបរទេសយកបទសម្ភាសន៍ស្តីពីដំណើរទស្សនកិច្ចផ្នែកវប្បធម៌ព្រះពុទ្ធសាសនាប្រទេសចិនឆ្នាំ២០១៣ដែលផ្តួចផ្តើមធ្វើដោយវិទ្យុអន្តរជាតិចិនបានចាប់ដំណើរការជាផ្លូវការនៅក្រុងប៉េកាំងកាលពីថ្ងៃទី២០ខែកក្កដា។អ្នកសារព័ត៌មានរបស់វិទ្យុអន្តរជាតិចិនបានរួមដំណើរជាមួយនឹងអ្នកសារព័ត៌មានរបស់ប្រព័ន្ធសារព័ត៌មាននៃប្រទេសអាស៊ាន៤មានប្រទេសថៃ កម្ពុជា ឡាវនិងមីយ៉ាន់ម៉ាបានទៅយកបទសម្ភាសន៍នៅក្រុងប៉េកាំងនិងខេត្តHuNan។
ក្នុងសកម្មភាពយកបទសម្ភាសដែលមានរយៈ៩ថ្ងៃនេះ អ្នកសារព័ត៌មានចិននិងបរទេសបានយកកិច្ចសម្ភាសន៍ជាមួយអនុប្រធាននៃសមាគមព្រះពុទ្ធសាសនាប្រទេសចិនមួយរូបនៅព្រះវិហារGuangJiក្រុងប៉េកាំង ដើម្បីស្វែងរកពីប្រភពដើមនិងការវិវឌ្ឍន៍នៃព្រះពុទ្ធសាសនាមហាយាននៅប្រទេសចិន និងស្វែងយល់ពីសភាពការណ៍ផ្លាស់ប្តូរផ្នែកវប្បធម៌ព្រះពុទ្ធសាសនារវាងប្រទេសចិននិងប្រទេសអាស៊ីអាគ្នេយ៍ ហើយក៏បានទៅយកបទសម្ភាសន៍នៅវិហារឡាម៉ា ព្រះវិហារLongQuanនិងព្រះវិហារLingGuangផងដែរ។រីឯនៅខេត្តHuNan ពួកគេនឹងទៅយកកិច្ចសម្ភាសនៅព្រះវិហារពុទ្ធសាសនាShouFo និងស្វែងយល់ពីឥទ្ធិពលនៃព្រះពុទ្ធសាសនាលើពុទ្ធបរិស័ទក្នុងតំបន់។