ពិធីបិទសម័យប្រជុំនៃមហាសន្និបាតលើកទី១នៃសភាតំណាងប្រជាជនទូទាំងប្រទេសចិនអាណត្តិទី១២បានធ្វើនៅប៉េកាំងនៅថ្ងៃទី១៧ខែមីនា ក្នុងពិធីបិទសម័យប្រជុំលោកស៊ីជីនភីង ប្រធានរដ្ឋចិនបានថ្លែងសុន្ទរកថាដ៏សំខាន់ អធិប្បាយម្តងទៀតអំពីតើត្រូវធ្វើយ៉ាងម៉េចទើបអាចសម្រេចសុបិនប្រទេសចិនបាន។ លោកបានថ្លែងថា និយាយសរុបទៅ សុបិនប្រទេសចិនគឺជាសុបិនរបស់ប្រជាជន ចាំបាច់ត្រូវពឹងផ្អែកយ៉ាងជិតស្និទិជាមួយប្រជាជនមកសម្រេច ចាំបាច់ត្រូវបង្កើតសុភមង្គលជូនប្រជាជនឥតឈប់ឈរ។
ក្នុងពេលដំណាលគ្នានឹងការសម្រេចសុបិនប្រទេសចិន លោកស៊ីជីនភីងសង្កត់ធ្ងន់ថា ប្រជាជនចិនស្នេហាសន្តិភាព នឹងដើរលើផ្លូវអភិវឌ្ឍន៍ដោយសន្តិភាពយ៉ាងម៉ឺងម៉ាត់មិនងាករ៉េជារៀងរហូត។
មហាសន្និបាតលើកទី១នៃសភាតំណាងប្រជាជនទូទាំងប្រទេសចិនអាណត្តិទី១២បានបោះឆ្នោតសម្រេចនិងអនុម័តលើសេចក្តីសម្រេចចិត្តស្តីពីរបាយការណ៍ការងាររដ្ឋាភិបាល បោះឆ្នោតសម្រេចនិងអនុម័តលើសេចក្តីសម្រេចចិត្តស្តីពីសភាពការណ៍អនុវត្តថវិកាមជ្ឈិមនិងតំបន់ឆ្នាំ២០១២និងថវិកាមជ្ឈិមនិងតំបន់ឆ្នាំ២០១៣ បានឲ្យសច្ចាប័នលើថវិកាមជ្ឈិមឆ្នាំ២០១៣។ល។ ក្រោយពីបានបង្ហើយភារកិច្ចគ្រប់ខ លោកចាំងតឺជាំង ប្រធានគណៈកម្មាធិការអចិន្រ្តយ៍នៃសភាតំណាងប្រជាជនទូទាំងប្រទេសចិនបានថ្លែងសុន្ទរកថា ព្រមទាំងប្រកាសបិទការប្រជុំផង។